幾年前，李嘉欣產後首度接受訪問時，表示因為懷孕期間過度補鈣而患上腎結石，前後做咗3次手術先清除晒體內嘅結石。呢個消息引起好多孕婦恐慌，決定停食鈣片。專家表示，其實孕婦補鈣同生腎石冇必然嘅關係，補鈣並非導致腎結石嘅「元凶」。
{adv here}
孕婦注重補鈣係正確嘅，但孕婦補鈣其實同普通人補鈣一樣，喺代謝方面並冇任何特殊之處。有啲孕婦為咗補鈣，會進會含高鈣質食物，飲高鈣奶粉，仲食埋鈣片，咁做雖然唔一定會導致生腎石，但孕婦如果過度補鈣，會令到鈣質沉澱喺胎盤血管壁，引起胎盤老化、鈣化，羊水分泌減少，胎兒頭顱過硬等，令到寶寶無法得到母體提供嘅充足營養同氧氣，過硬嘅頭顱會令產程延長，寶寶嘅健康會受到威脅。所以補鈣要科學，千祈唔好盲目過度補鈣。
{adv here}
營養師認為，孕婦補鈣嘅最好方法係每日側飲250～500克牛奶。每100克牛奶中含鈣大約120毫克，牛奶中嘅鈣質最容易被孕婦吸收。如果孕婦因為某啲原因，唔可以透過食物補充身體所需嘅鈣質，可以喺醫生指導下服用補鈣產品。但要注意服用鈣片後不宜立即飲茶或者用茶送藥。
資料來源：愛女人健康網
