懷孕可以話係一件悲喜交集嘅事，喜嘅當然係可以擁有自己嘅寶寶，感受到做媽媽嘅樂趣；悲嘅就係懷孕會影響自己嘅身材、失去自由，仲會出現妊娠紋。

{adv here}

孕期為何更容易出現妊娠紋？

懷孕期間人體內分泌會發生翻天覆地嘅變化，激素分泌會增加，從而抑制住纖維母功能，導致彈力纖維蛋白分解甚至斷裂。而懷孕時孕婦腹部會越嚟越大，腹部嘅皮膚會變薄，皮膚上就會出現各種形狀嘅花紋。

妊娠紋嘅形成主要同以下三點有關：

1) 懷孕期間荷爾蒙變化

2) 皮下組織被撐開而斷裂

3) 體質影響

一般而言，呢啲花紋產後就會消失，留下嘅只有白色線紋，而呢啲條紋一旦出現就好難消失。

妊娠紋什麼時候形成？

通常喺懷孕5~6個月時，孕婦大腿根部、腹部同乳房三個位置都會出現條紋。不過亦都有孕婦喺分娩前一個月先明顯見到妊娠紋。當然，有少數嘅幸運兒成個懷孕過程都冇出現過妊娠紋。

點解有啲人生完都冇妊娠紋呢？其實係同個人體質有關！皮膚偏白、唔容易有暗瘡印嘅女性，妊娠紋一般會較淺，甚至完全冇；而皮膚較黑、色素容易沉積嘅孕婦，妊娠紋就會偏深。

不過，都唔一定所有皮膚黑嘅人都注定會出現深嘅妊娠紋，因為仲有一啲外來因素可以影響妊娠紋嘅深淺。

{adv here}

去除妊娠紋嘅方法

1) 控制體重
避免懷孕期間體重增長過快，可以淡化妊娠紋。

2) 適度按摩
預防妊娠紋，可以用按摩嘅方法。建議準媽媽喺懷孕3個月開始直到分娩，每日堅持按摩腹部，按摩時可以使用有收緊功效嘅精油，可以令皮膚更緊緻、有彈性，淡化妊娠紋。

3) 兩種方法可修復妊娠紋
如果妊娠紋已經出現，產後可以透過以下兩個方法進行修復：

蛋白：清洗腹部後按摩10分鐘，喺肚上面搽上蛋白，等10分鐘後再抹掉，然後直接進行按摩，再用白布條包住腹部，到晚上再解開。蛋白可以收緊皮膚，有效淡化妊娠紋。

薰衣草精油：薰衣草具有去除疤痕功效，可以軟化疤痕、消除色素沉澱，去除妊娠紋都有一定嘅效果。每天用薰衣草精油按摩腹部，可以淡化妊娠紋。

資料來源：每日頭條