好多家長都唔太樂意帶小朋友去旅行，尤其係幼兒階段嘅小朋友，主要原因都係旅途中照顧小朋友太辛苦，呢點的確係事實。其次就係擔心小朋友去旅行會病，會有危險。另外，有啲父母會覺得小朋友仲細，好快就會將旅行嘅所見所聞忘記，去咗都冇用。其實，3歲以上嘅幼兒，如果身體健康嘅話，去旅行可以話係獲益良多。
{adv here}
增進家庭成員間的感情
現代生活節奏太快，令親子時光變得彌足珍貴，忙碌嘅生活造成咗親密度嘅缺失。如果家長可以趁假期同小朋友一齊去旅行，放低工作完全投入家庭關係，相信一定可以為小朋友帶嚟一段非常美好嘅時光。
讓孩子增廣見聞
或者有父母會認為小朋友仲細，要增長知識，可以喺屋企透過睇電視，睇書嚟了解，不過「讀萬卷書，不如行萬里路」，親歷其境所帶嚟嘅身心體驗係無法取代。再細嘅小朋友對周圍嘅事物都會有自己獨特嘅感受，就好似胎兒喺母體入面已經可以感受到母親，所以千祈唔好以為佢哋仲細未懂事，而否認旅行嘅重要性。事實上，父母都應該發現到，3歲以上嘅小朋友經歷每一次旅行之後，有一段時間嘅言行舉止都會有所不同，因為佢已經將旅行中嘅見聞不自覺地融入到生活中。
{adv here}
增強孩子的溝通能力
旅行中小朋友會遇到形形色色嘅人，有助提升人與人之間嘅溝通技巧。由於小朋友獨有嘅天真爛漫，會比成年人更容易同人交往。你可能會發現，當小朋友出國旅行，語言不通，佢哋都可以毫無障礙咁同當地人溝通，用手勢同肢體語言去表達自己。所以，從小就經常出國旅行嘅小朋友，長大後一定會有較強嘅溝通能力。
增強孩子適應環境的能力
出國旅行，周圍嘅一切都係新嘅，小朋友無論喺身體上同精神上都必須有所改變，可以從身體同精神上增強小朋友適應環境嘅能力。喺小朋友3~4歲嘅時候，第一次帶佢去旅行，旅途中可能會出現感冒發燒嘅小毛病，但係去過兩三次旅行後，即使接觸唔同嘅食物同生活習慣都唔會有何問題。所以長大後，無論小朋友去到邊度，都可以好快適應到周圍嘅環境。
資料來源：每日頭條
