近日天氣漸漸回暖，濕度明顯高咗好多，家長們又要開始為小朋友濕疹發作備戰。每逢轉季，皮膚都會受到刺激，容易導致濕疹發作，春天更加係誘發濕疹嘅高峰期。
好多父母經歷過多年作戰，幫小朋友「搽呢搽路」，食一啲所謂「神丹妙藥」，以為可以一劑「斷尾」，多次失敗確實令父母們非常沮喪。其實皮膚毛病成因係身體免疫過敏，所以用外敷、口服嘅方法更治未必有效，家長唔好抱太大期望。濕疹雖然無法「斷尾」，但適當嘅處理可以將情況大大改善。
{adv here}
注意沖涼水溫
幫小朋友沖涼時，水溫唔可以太高，最理想係攝氏36 ~ 38度，因為熱水會令皮膚角質層水分揮發，將皮脂沖走，導致皮膚更加乾燥敏感，會加劇痕癢。另外，沖涼時間亦不宜過長，大約5分鐘就夠，過度洗刷會沖走皮脂。
選用無添加保濕產品
患有過敏性濕疹嘅小朋友，其實係皮膚缺乏咗一種油脂性保護物，令皮膚水份較易流失，所以保濕好重要。要選擇不含添加劑、香料同色素嘅護膚品，揀到適合嘅產品，就唔好「轉嚟轉去」。坊間有好多標榜「天然有機」、「低敏配方」嘅護膚品，但唔代表一定冇副作用，含有植物成份既產品亦可能有毒素，最好先詢問醫生意見。
{adv here}
父母應該喺幫小朋友沖完涼5分鐘內搽護膚品，因為沖涼後皮膚含水量最高，呢個時候搽保濕品可以形成屏障，更有效注入並鎖緊皮膚水份。保濕品唔可以搽太厚，以免導致毛囊閉塞，均勻咁薄薄搽一層就可以。試新護膚品時，將產品搽喺手背10分鐘，冇出現過敏反應就可以使用。
資料來源：ET Net，GoBear
