有部份父母因為愛錫自己小朋友通常都唔需要佢哋幫手做家務，但其實做家務對小朋友嘅成長好重要。哈佛大學有學者曾經做過一項調查，鍾意做家務嘅小朋友同唔鍾意做家務嘅小朋友比較，佢哋成年後嘅就業率係15:1，犯罪率係1:10，而鍾意做家務嘅小朋友長大後嘅離婚率同埋患上心理病嘅機率都會比較低。
{adv here}
{adv here}
小朋友做家務的5個好處
1. 增強肢體協調
曾經有一位家長請教老師：「我個小朋友寫字又慢又醜樣，究竟係乜嘢問題？」，而老師第一句就問嗰位家長：「你嘅小朋友係唔係從來冇喺屋企做家務？」其實小朋友做家務可以鍛煉佢哋多方面嘅能力。鍾意做家務嘅小朋友肢體可以得到充分鍛煉。所以無論握力，臂力，手眼協調能力同埋雙手嘅靈活性都會比較好。
2. 鍛煉歸納同分類能力
無論係日常生活定係學業上，歸納同分類都係好重要。透過做家務，小朋友就可以學習去運用呢個技能，將知識分類整理同理解歸納可以鍛煉思維能力。
{adv here}
3. 增強小朋友對家庭嘅責任感
做家務係父母同小朋友互動嘅其中一種方式，等小朋友意識到自己係屋企嘅其中一份子，明白做父母唔容易，學識珍惜屋企人勞動嘅成果，培養感恩嘅心同埋對家庭嘅責任感。
4. 鍛煉小朋友獨立同自理能力
其實做家務可以鍛煉小朋友嘅自理能力同埋加強佢哋嘅獨立性。好多家長對自己嘅小朋友都照顧周到，由細到大，無論係衣、食、住、行都係由父母一手包辦，但係當小朋友大個離開屋企生活嘅時候，就發現自己嘅生活能力幾乎零。衫褲唔識洗同摺，飯又唔識煮，唔識執屋，被套唔識換，床單唔識鋪等等。相信各位父母都唔想自己嘅小朋友長大後變成咁。
5. 增強自信心
小朋友通過做家務，會得到受助家人或者父母嘅讚賞同肯定，小朋友會得到滿足感同埋自豪感，因而佢哋嘅自信心都會增加。
所以，如果想小朋友成為一個更出色嘅人，應該要畀佢哋分擔屋企嘅家務，唔單止可以令小朋友喺各方面嘅能力都得到鍛煉同埋提升，同時亦都可以增進小朋友同父母或者家人之間嘅感情。
資料來源：每日頭條
