寶寶幾多歲可以睇電視，係好多家長都關心嘅問題，睇電視對寶寶嘅成長又會唔會有影響呢？
1. 年齡
寶寶啱啱出世嘅時候，眼睛未發育成熟，未夠三個月大嘅寶寶，不單止係近視眼，而且仲有色盲；到咗三個月大，眼睛可以睇到嘅距離先會慢慢變遠，亦都漸漸分辨到一啲色彩。寶寶到咗2至3歲嘅時候，視力同大人差唔多，但係呢個時候佢嘅眼睛仲係好脆弱，特別容易有近視，4歲之後，眼睛先至開始成熟。所以好多兒科專家都建議唔好俾2歲以下嘅寶寶睇電視，到咗3歲，每日可以睇一個鐘電視，但係每次唔好超過15分鐘。
{adv here}
{adv here}
既然知道咗寶寶幾多歲可以睇電視，我哋再來睇睇俾寶寶睇電視，對佢嘅成長發育會有乜嘢影響，我哋可以從正反兩方面來睇。
2. 影響
正面：寶寶喺睇電視嘅時候，可以透過動畫入面嘅人物同埋劇情，豐富自己嘅詞彙同對事物嘅認知，令佢哋成長得更快。同時喺睇動畫嘅時候，寶寶都可以學到一啲為人處事嘅道理，大前提係家長要幫佢哋選擇一啲比較有意義嘅電視節目。
{adv here}
負面：無論係睇電視定係玩手機，都係好容易上癮，寶寶自制力唔強，如果佢哋上咗癮，家長就好難令佢哋戒甩，咁就會影響到佢哋眼睛嘅發育。另外，寶寶有可能因為迷戀電視，而忽略現實，從而變得孤僻。雖然寶寶3歲後可以睇電視，但一定要適可而止，千祈唔好沉迷。
家長平時要多啲陪伴寶寶，每日抽時間講故事畀佢哋聽，同埋安排一啲戶外活動，轉移寶寶嘅注意力，佢哋自然唔會成日想睇電視。
資料來源：每日頭條
