炎炎夏日，雪糕同雪條係夏天必備嘅消暑恩物。自製水果雪條可以使用自己鍾意嘅食材，亦都冇加入任何化學添加劑，小朋友就可以食得健康無負擔！
今次為大家介紹自製雪條要注意嘅地方以及超簡單嘅水果雪條做法。
{adv here}
使用新鮮水果汁
一開始做可以先從單一水果開始，例如檸檬雪條，只要將400ml水、5ml檸檬汁、5ml蜂蜜混合，份量可以按照個人口味做調整。將檸檬果汁倒入製冰模具，放入冰格冷藏大約5小時即成。除咗檸檬，亦都可以用其它水果來做變化，例如西瓜、菠蘿、蜜瓜雪條，使用新鮮果汁時，要先用篩將纖維同粗粒篩走，咁樣做出來嘅雪條口感會比較幼滑。
想增加變化，可以將唔同嘅水果混合製成果汁，例如檸檬、百香果、蘋果、香蕉、奇異果、木瓜、火龍果等來做搭配，加入適量嘅水，用果汁機打成果汁。果汁完成後先試味，如果覺得太酸或者唔夠甜，可以加入天然嘅蜂蜜、楓糖等液體糖漿。打果汁嘅時候，唔建議一開始就淋上糖漿，雖然水果雪過之後甜度會降低，但因為水果本身有甜味，所以最好味道不夠時再添加。
想增加口感，可以加入新鮮水果粒或水果塊，例如藍莓、士多啤梨、奇異果、蘋果、菠蘿等等。加入水果粒或水果塊時有一個地方要特別注意，如果要將水果粒顯露喺雪條表面，記得要貼著模邊擺放。
除咗自製果汁，亦可以使用現成濃縮果汁、椰子水、益力多，做成唔同口味嘅雪條。
{adv here}
使用牛奶做基底
除咗果汁之外，可以用牛奶、豆奶、椰奶或者稀釋過嘅煉奶等等做基底。如果擔心直接用牛奶做出來嘅雪條濃度不夠，可以加入鮮忌廉、蜂蜜令口感更濃郁，牛奶同鮮忌廉嘅比例約1：1。夏天盛產嘅香蕉、芒果，亦可以做成香蕉牛奶、芒果牛奶雪條，只要用果汁機混合即可。
有時間嘅話，可以做成牛奶同果汁嘅雙層雪條，要先將第一層冷凍定型，凝固後再倒入第二層冷凍。雙層雪條外型非常賞心悅目，好睇又好食！
如果小朋友平時唔鍾意食水果，可以用呢個方法來吸引佢哋食多啲水果，亦都可以同小朋友一齊製作雪條，增進親子關係。
自製雪條小貼士：
1) 將果汁倒入模時，大約8分滿左右就夠，因為雪條凝固後會膨脹。
2) 雪條脫模時，可以將模浸入凍水中大約20～30秒，或者用暖毛巾包住，都可以輕易脫模。
資料來源：大紀元
