曾經有心理學家做過一個實驗：將一班4歲小朋友分為兩組，一組被讚「聰明」，另一組被讚「努力」，然後小朋友要喺一系列唔同難度嘅拼圖當中選擇一份自己想砌嘅。結果發現，「聰明」嘅小朋友都表現得較為保守，傾向於選擇難度較低嘅拼圖，而「努力」嘅小朋友就傾向於選擇難度較高嘅拼圖。
換句話講，被讚聰明嘅小朋友會逃避挑戰，而被讚努力嘅小朋友會選擇挑戰。到底點解會咁？
{adv here}
心理學家卡羅爾·德韋克30年前就開始思考呢個問題。佢提出咗兩種心智模式：固定型心智同成長型心智。簡單來講就係，你認為自己嘅智力、能力等係固定不變，還是可以通過後天努力來改變；前者屬於固定型心智，後者就係成長式心智。心智模式，就係你看待自己、看待呢個世界嘅方式。喺實驗當中，小朋友們正正就係因為唔同嘅心智模式，而做出截然不同嘅反應。
讚小朋友「聰明」，就等於話畀佢知「你做得好，係因為你聰明」，無形中會令小朋友覺得：我受表揚係因為聰明、有天賦，想再被表揚，就要繼續表現出「聰明」嘅模樣，所以選擇容易完成嘅任務，再次漂亮地展示佢聰明嘅一面。
相反，讚小朋友「努力」，佢會覺得你最著重嘅並唔係佢嘅天賦，而係佢有幾努力，想繼續得到認可，就要繼續努力。所以，佢會更願意選擇困難嘅任務。
{adv here}
家長表揚同批評小朋友嘅時候，要特別注意：
表揚小朋友時，要表揚努力，而唔係表揚天賦；要表揚過程，而唔係表揚結果；要表揚成長，而唔係表揚表現。要畀小朋友知道你在乎嘅並唔係佢一時嘅表現，而係佢能夠養成從錯誤中學習同成長嘅習慣。
批評小朋友時，第一要清楚指出佢嘅錯處，第二切勿放大錯誤行為，唔好標籤小朋友，第三要話畀小朋友知點樣改正。
如果家長唔話畀小朋友知佢錯喺邊度，又唔教導佢點樣改正錯誤，只係一味話佢做錯，咁就唔係批評，而係發泄情緒，小朋友長大後容易形成固定型心智模式，缺乏自尊同自信。
資料來源：每日頭條
