好多家長都會發現，2歲後嘅小朋友越大越唔聽話，總係鍾意同父母對著幹，其實，呢個只不過係小朋友成長嘅必經階段：反叛期 。大部分人以為子女只會喺青春期時比較反叛，其實係一個誤解，小朋友要經歷3個反叛期，而第一個就係2~3歲嘅「幼兒反叛期」。希望以下4點可以幫助爸媽們輕鬆應對。
{adv here}
1) 深入了解孩子行為的原因與動機
相信以下場景，爸媽們一啲都唔陌生，唱反調，你指東，小朋友偏偏去西；你越唔畀佢做嘅事，佢偏要做 ；佢突然咩都想己做，唔畀你幫；唔睬人，唔聽人勸，唔講道理，認為自己啱晒……
其實，好多時小朋友並非存心同父母作對，佢哋嘅「反叛」往往源於一啲發自內心嘅動機，要睇吓爸媽們有冇足夠嘅耐性同智慧去了解。父母應該嘗試去傾聽小朋友嘅心聲，佢哋唔係任人操縱嘅「棋子」，而係獨立個體，小朋友只係唔想事無大小都要服從大人嘅安排，想自己做決定。反叛期嘅小朋友，更需要父母嘅理解同支持。爸媽們應該企喺小朋友嘅角度， 深入了解背後嘅原因同動機。
2) 原則問題絕不遷就
反叛期嘅小朋友最鍾意試探父母嘅底線，但並唔代表佢哋會完全無視規則，而係想透過試探來建立自己嘅規則。呢個時候，爸媽們需要嚴格堅守底線，父母有底線，可以幫助小朋友建立自己嘅規則，亦可以令小朋友獲得安全感。
反叛期嘅小朋友 一方面不斷挑戰規則，另一方面又不斷追求規則。 如果規則混亂，小朋友會缺少安全感。所以，父母喺制定規則時要慎重考慮，規則一旦制定，就必須遵守。 除咗危及生命、健康嘅事堅決唔可以做，其餘嘅都可以鼓勵小朋友去嘗試，多數時候寬鬆，應該嚴格嘅地方就要堅持 。
{adv here}
3) 多種方法巧妙引導
反叛期嘅小朋友問題多，情況多，爸媽們應該根據唔同嘅情況，採用唔同嘅處理方法巧妙引導。
激將法：
利用小朋友唱反調嘅心理 ，想佢做嘅事，就偏偏唔畀佢做。
【示例】：父母想小朋友食飯，佢偏唔食。 父母可以採取激將法，要求小朋友唔好食飯，佢反而博命要求要食。
注意：使用呢個方法時語氣盡量平靜，要根據小朋友嘅情緒適當調整。
冷處理：
扮睇唔到。
【示例】：小朋友周圍掟嘢，想吸引父母注意時，扮睇唔到，唔畀反應。小朋友見唔到佢想要嘅效果，就會自動停止。
拉三角關係：
借助權威， 透過小朋友特別敬佩嘅人，話畀佢知應該點做 。
【示例】：返幼稚園上課嘅時間就快到，再唔行快兩步就趕唔切，但小朋友仲喺公園玩，唔肯走。 呢個時候可以播放手機鈴聲，假裝幼稚園老師打電話嚟催小朋友返學，佢會立刻起身離開。
言傳身教：
父母要言傳身教，做小朋友嘅榜樣 。
【示例】：小朋友經常打人，打過好多同學，甚至打過屋企人。 呢種情況下，如果父母用 「打」嚟教育小朋友，只會令佢嘅行為變本加厲。
4) 冷靜處理負面情緒
小朋友情緒激動時，千祈唔好同佢講道理 。 當小朋友大喊時，可以用以下4個步驟處理情緒。
i) 抱起小朋友或者到帶佢到安靜嘅地方，畀佢喊一陣，等小朋友稍為平靜落嚟。
ii) 幫佢搞清楚喊嘅原因係咩，係邊一種情緒，傷心還是憤怒。 例如：哥哥唔畀你玩佢啲玩具，你係咪好唔開心？ 定係好嬲哥哥啊？
iii) 然後對小朋友表示同情同理解，例如：我知道你好唔開心，唔開心就喊出嚟啦！
iv) 等小朋友情緒平靜返，諗辦法轉移注意力，例如：我哋去公園玩，好唔好？
資料來源：COCO01
