作為新手爸媽，見證住寶寶每一個成長階段都會好開心，所謂7坐8爬10站，所有寶寶都係先學爬，有好多研究指出，未經曆過爬就學行嘅寶寶，對佢哋將來嘅學習能力會有一定嘅影響，所以俾寶寶經曆每一個成長階段係非常重要。
一般9至10個月大嘅寶寶會學識企，扶住嘢可以行幾步，到1歲就可以獨立行路。為咗寶寶嘅健康成長，唔好俾寶寶太早學行，父母要根據寶寶嘅發育情況，決定幾時俾寶寶開始學行，切記唔可以操之過急。
{adv here}
寶寶學行注意事項
1) 不要用學行車
千祈唔好用學行車，學行車會造成寶寶用腳尖行路嘅習慣，好多年輕爸媽都要花好長時間去幫小朋友糾正。
2) 注意姿勢
由於寶寶下肢仲未發育成熟，容易出現不正確嘅行路姿勢，但大多數都屬於正常現象，隨住寶寶成長，一般都會慢慢自行調整，恢複正常嘅姿勢。
偏內八嘅姿勢最常見，有啲寶寶亦可能出現腳板重心偏內，造成用腳板內側法力，因為寶寶嘅筋仲係好柔軟，而且未控制到腳板嘅肌肉，父母唔需要太擔心。
寶寶出世時，小腿多數都會向內彎，形成“O”型腳。開始學行或者企嘅時候，寶寶嘅O型腳會更加明顯，但隨住寶寶長大，呢種現象會慢慢好轉，喺寶寶1歲半左右就會恢複正常。如果寶寶嘅O型腳到2歲都未有改善，就應該搵醫院檢查。
{adv here}
3) 注意時機
每個寶寶學行嘅時間都唔一樣，所以學行冇所謂最適當嘅時機，必須依照寶寶自身嘅情況發展而定，一般而言，寶寶會喺11~14個月大開始學行，即使喺11個月大之前寶寶就已經有意欲學行，亦唔會有太大影響。
值得注意嘅係，如果寶寶未到學行嘅年齡，而且本身亦未有意欲學行，咁就唔可以強迫寶寶學行，否則會對寶寶肢體發育造成不良影響。
4) 遷就寶寶的身高
大人拖著寶寶行路，要儘量遷就返寶寶嘅身高，否則孩子會養成用腳尖行路嘅習慣。
5)穿的鞋子或襪子
如果係著鞋行路，一定要俾寶寶著硬底鞋，唔好著軟底鞋，著襪嘅話，就要著腳底有防滑粒嘅襪。
資料來源：找話題
