懷孕期間，大約有9成幾嘅孕婦都經歷過尿頻， 4成有經常出現尿滲嘅情況。所以呢個係孕婦普遍會出現嘅問題，準媽媽唔需要太緊張。
{adv here}
{adv here}
點解孕婦會尿滲？
膀胱位於子宮嘅前側，懷孕期間孕婦子宮變大，喺子宮嘅壓迫下，膀胱容量就會下降產生尿頻。打乞嚏、大笑時腹肌會產生壓力，壓迫住容量細嘅膀胱，出現尿滲都好正常。生產後一段時間尿滲會消失，而且會慢慢恢復正常。
懷孕期間做盆骨底肌肉運動有冇效？
盆骨底肌肉收縮運動可以改善孕期骨盆底肌肉群鬆弛嘅問題，加強盆骨底肌肉耐力同彈性。懷孕初期開始做訓練，對孕期同埋產後恢復都有好大幫助。
對懷孕期尿滲的建議
1. 懷孕時有需要就要去廁所
首先，孕婦係一有需要就要去廁所，其次就係即使冇強烈嘅尿意，仍然要去廁所排尿。好多準媽媽因為「屙唔出」或者雖然好急，但只係排到少少，就索性忍住唔去廁所——咁做係錯嘅。尿液積聚好容易引起膀胱炎或者其他病症。如果去廁所只係排到少少尿，就應該補充多啲水分。
{adv here}
2. 注意個人衛生
喺尿滲嘅情況下，孕婦一定要特別注意衛生，要經常更換內褲或者護墊，時刻保持清潔同乾爽。
3. 懷孕期尿滲不是病
每一個準媽媽都會出現尿頻或尿滲呢個生理現象，正常情況下都唔需要諮詢醫生。但如果排尿時覺得痛、排唔乾淨或出血嘅情況出現，就可能係膀胱炎，要及早睇醫生。
資料來源：壹讀
