近期，一項研究證實，孕婦喺懷孕期間一星期食至少三次魚就有助胎兒視力發展。
媽媽係孕期、哺乳期間嘅飲食係寶寶攝取長鏈多不飽和脂肪嘅主要方法。呢種脂肪酸可以幫助形成視力同埋視網膜有關嘅神經細胞。芬蘭圖爾庫大學嘅研究人員探討咗孕期飲食、嬰兒早期血清脂肪酸同嬰兒神經發育嘅關係，研究結果已於Pediatric Research雜誌發表。
{adv here}
{adv here}
研究招募咗56位媽媽。喺懷孕期間，媽媽都需要堅持有規律嘅飲食。同時懷孕前、懷孕中嘅體重升幅以及血糖水平、血壓都會記錄低。另外，研究人員亦都會考慮埋孕婦有冇吸煙、或者有冇妊娠糖尿等因素。
根據食物日記同埋懷孕期間收集嘅問卷入面嘅魚類消耗量計算出母體營養攝取量。根據小組記錄媽媽飲食同埋血液入面嘅長鏈多不飽和脂肪酸嘅含量，同埋BB喺出世後一個月血液嘅脂肪酸水平。當小朋友兩歲時，研究人員同佢哋進行咗一個逆轉視覺引發電位（pattern reversal visual evoked potentials，pVEP）測試，呢個係一種靈敏、準確、無創嘅方法，用嚟測試兒童嘅視覺同埋發育變化。
結果顯示，懷孕3個月入面，相比起唔食魚或者一個星期只進食兩次魚嘅媽媽，每星期進食三次或者以上嘅媽媽，佢哋嘅BB喺視覺測試入面結果較好。媽媽同小朋友血清磷脂脂肪酸同埋小朋友pVEP測試係相關。
{adv here}
呢項研究嘅結果顯示，懷孕期間食魚可能同BB視覺系統嘅神經發育有關，亦可能因為魚肉入面含有豐富嘅長鏈多不飽和脂肪酸，亦都可能同維他命D、E等等嘅物質有關。呢個研究強調懷孕期間嘅女性飲食結構對胎兒神經發育嘅重要性。呢個結論支持咗之前針對「媽媽飲食、生活方式都會影響後代發育」嘅研究成果。
資料來源：每日頭條
