迷思1：懷孕初期成日嘔，雖然冇瘦到，但都擔心bb會唔夠營養。
解說：正常懷孕頭三個月，只要增加1~2公斤就足夠，孕媽們唔使太擔心。
{adv here}
{adv here}
迷思2：我真係嘔得好嚴重，好多人話食蘇打餅可以止嘔，除咗蘇打餅有冇其他止嘔食物？
解說：網上有好多唔錯嘅建議，包括早餐食多士同餅乾，仲有少食多餐等，餐與餐之間食少少零食同埋水果補充熱量，營養師就補充咗以下幾點：
a. 零食唔包括夾心餅同朱古力：
呢類食物油分含量高，而過多油分會拖慢腸胃蠕動，食用後會覺得胃脹不適甚至想嘔，所以孕婦唔適宜食太多。
b. 攝取碳水化合物之餘，都要攝取蛋白質：
蛋白質有助於增加胃張力，令胃部入口保持緊閉，避免孕吐發生，想嘔嘅時候，除咗食用碳水化合物類，食用含蛋白質嘅食物都係唔錯嘅選擇。
c. 先食蛋白質墊底：
上面提到蛋白質有助於增加胃張力，以食飯盒為例，可以先進食大約1/3嘅蛋白質 (如：黃豆製品、肉類、蛋等)，再回復正常進餐方式即可。
{adv here}
迷思3：嘔到冇晒氣力，飲雞湯雞精補充體力有冇用？
解說：補充蛋白質最好就係將「實體」食落肚，而唔係剩係飲湯水；雞湯除咗含有少量胺基酸，大部分都係脂肪，飲得多反而會令孕媽變肥；而雞精雖然少咗脂肪，但蛋白質含量都唔高，如果要補，飲一杯豆漿可能仲實在。
資料來源：華人健康網
