1. 不拘泥於餵奶姿勢
早期為咗方便新手媽媽學習，護理人員會介紹常見餵奶姿勢，但每個媽媽嘅體型同埋習慣都唔同，特定嘅餵奶姿勢未必適合所有媽媽，只要 bb同埋媽媽都覺得舒服，而bb又能夠正確含乳，就係最完美嘅餵奶姿勢。
{adv here}
{adv here}
2. 不要懷疑自己奶水不足
每個媽媽都有哺乳嘅潛能，只要畀bb足夠機會吸吮乳房，乳房就可以製造足夠奶水供應畀bb，好多媽媽產後精神緊張，擔心唔夠奶水，越心急心情就越差，造成奶水受到抑制，導致媽媽誤以為自己泌乳方面出咗問題。事實上，初生嬰兒嘅奶量較少，只要媽媽願意勤餵奶，奶水量嘅供應就會逐漸穩定，達到供需平衡。
{adv here}
3. 不執著於睡眠被中斷
睡眠被中斷一直都係新手媽媽感到最辛苦嘅一環。為母則強，每個媽媽都擁有克服困難嘅能力，只要媽媽可以充分了解母乳對bb嘅好處，同埋學習瞓低餵奶嘅方式，半夜餵奶就唔係問題。此外，泌乳素能夠促使媽媽喺餵奶時感到放鬆，令媽媽餵奶後更容易入睡，可以得到充分休息。
資料來源：每日頭條
