有人話好多陪產過第一胎嘅男人，都唔會想同老婆生第二胎。親眼目睹順產過程係咪真係會對男性造成心理陰影？咁爸爸們又應唔應該陪產呢？先睇睇以下幾個陪產嘅好處。

{adv here}

丈夫陪產的好處：

1) 丈夫陪產係對妻子心理上嘅安慰同鼓勵，令妻子知道自己並非孤身作戰；

2) 丈夫陪產有助增進夫妻之間嘅感情，增強丈夫對家庭嘅責任感；

3) 準爸爸可以更快投入父親嘅角色，增進父親同子女之間嘅感情。

教你4點做個合格陪產爸爸

如果準爸爸們打算陪產，請注意以下幾點：

1) 了解產程，做好心理準備
準爸爸們要喺妻子預產期前，應該了解一下產程和生產時有可能遇到嘅問題，例如嘔吐，尷尬聲音同氣味（被寶寶壓迫到直腸，令產婦不由自主咁放屁同排便，劇烈嘅疼痛會令產婦失去理智，好似變咗另一個人、器官被擴張到極點變成另一個形狀、血腥場面等。

2) 確定自己的健康狀況許可
即使已經下定決心，都唔代表任何問題都可以克服。準爸爸們喺陪產前要確定自己嘅健康狀況許可，例如有冇心臟病、血暈症等疾病，萬一陪產爸爸喺產房暈倒，會加重醫護人員嘅負擔，到時醫生都唔知救邊個好，場面十分尷尬。

3) 保持冷靜，不要影響醫生工作
準爸爸要相信醫生同護士嘅專業，聽從醫生指示，保持冷靜，切忌不停問問題打擾醫生。生產過程中要以溫柔嘅聲音為妻子打氣，儘量保持克制，有啲丈夫激動起上嚟，嗌得仲大聲過個產婦，噪音影響到醫護人員之餘仲會令產婦覺得煩躁。

{adv here}

4) 不要一直注視血腥畫面
部分男性對於血有恐懼情緒，陪產時遇到血腥場面要避免一直凝視。

最後，回答返上面嘅問題，目睹順產過程係咪真係會對男人造成心理陰影，甚至不舉？

事實上，男性勃起障礙唔會被單一因素影響，除非男性本身身體存在問題。如果睇一次順產過程就變不舉，咁婦產科嘅男醫生點算呢？

資料來源：Q博士