好多人認為，「尊嚴」同「底線」只有成年人先會有，其實小朋友嘅自尊心更加脆弱敏感，一旦被其他人打擊到，有可能留下一生嘅陰影。家長同小朋友相處時，要注意避免觸及到小朋友嘅底線，否則會破壞親子關係，仲會影響小朋友嘅心理發展。
{adv here}
1) 小朋友的糗事
試問有邊個未做過令自己尴尬嘅事？例如尿床、行路絆倒等等。但有啲大人覺得，小朋友嘅瘀事可以被隨便拎出嚟當茶餘飯後嘅話題，例如喺一大班人面前講「阿囝尋晚又賴尿」，然後成班人邊笑邊望住小朋友。對小朋友嚟講賴尿係一件十分尷尬同私密嘅事，家長拎出嚟當眾講，會令小朋友覺得十分「冇面」，以後見到呢班人都會覺得佢哋嘲笑緊自己。
2) 小朋友告訴家長的秘密
小朋友同家長講嘅秘密，例如「坐我隔離嗰個女同學好靚」之類，呢啲秘密家長聽咗就算，唔好因為覺得有趣而四處張揚。大人覺得無關痛癢嘅事，小朋友就睇得非常重，相當於自己嘅私隱被人公開，小朋友肯定會覺得十分羞愧，以後都唔會將心事話畀你知。
{adv here}
3) 喜歡的東西
小朋友喺任何年齡，都總會有自己鍾意嘅玩意，例如玩泥沙，家長唔應該即時抱以否定嘅態度「泥有咩好玩啫，咁污糟」。家長要嚐試尊重小朋友嘅喜好，如果經常被否定，佢哋會變得悶悶不樂，唔敢再追求自己鍾意嘅嘢。
4) 在外人面前的自尊
小朋友喺外面做錯事，好多家長都會即場當眾表演教訓小朋友，甚至郁手打。家長應該返到屋企先慢慢同小朋友講道理，儘量避免當著外人面前鬧，否則會令小朋友產生叛逆心理，將來更加唔聽話。
資料來源：每日頭條
