想增加懷孕機會，應該多食以下4種食物
1) 三文魚
三文魚含有豐富嘅Omega-3脂肪酸，呢種脂肪酸證實咗可以引導血流到生殖器官，增加子宮頸黏液，幫助調節身體荷爾蒙同埋促進排卵。
2) 菠菜
菠菜嘅深綠色葉含有豐富嘅葉酸，係一種會增加排卵率嘅營養素。葉酸仲可以幫助細胞分化同埋產生DNA，呢兩樣都會影響懷孕嘅機會。除此之外，菠菜仲有好多對懷孕期好重要嘅營養，例如鐵質、鈣質，呢類營養可以避免懷孕時前期發生胎兒腦部同埋脊椎問題。
{adv here}
{adv here}
3) 全麥
全麥製成嘅糙米、燕麥同埋青稞等含有豐富嘅維他命B，例如葉酸、B12都對健康生育好重要，特別係缺乏B12，研究發現同不孕有關。而另一個好重要嘅元素–纖維，可以幫助身體清除多餘嘅荷爾蒙同埋維持血糖平衡。全麥仲含有抗氧化物，可以保護產生生育荷爾蒙嘅卵子同埋器官嘅細胞。
4) 豆類
豆類含有葉酸、高纖維同埋蛋白質，研究發現與生育能力有關。哈佛大學公衛學院研究咗17,500個冇不孕歷史而想懷孕嘅護士，研究結果顯示攝取最多動物蛋白質嘅女性不孕嘅風險比攝取植物性蛋白質嘅女性高39%。
{adv here}
想增加懷孕機會，要向以下2種食物說不
1) 煎炸食物
煎炸食物會降低流動到生殖器官嘅血液，影響生育能力，同埋阻塞動脈。哈佛大學向18,000個女性研究，發現女性食得越多反式脂肪，生育問題嘅風險就越大。每增加2%反式脂肪攝取嘅熱量，不孕嘅風險就增加73%。為咗準備最健康嘅環境畀你未來嘅寶寶，準媽媽嘅飲食要吸收多啲維他命同礦物質。
2) 含糖飲料
有一項研究指出3,800多名由21至45歲嘅女性同埋佢哋嘅男性伴侶(約1,000名)，發現無論係邊一方每日飲一杯含糖份嘅飲品，生育能力就會降低20%。詳細分析，女性飲含有糖份嘅飲品後生育能力降低25%，男性就降低33%。研究發現攝取含有糖份嘅飲品同生育能力下降有關，即使控制咗其他因素好似肥胖、咖啡因攝取量、酒精、吸煙同埋整體飲食品質後，結果都係一樣。
資料來源：華人健康網
