幼兒語言發展嘅速度各有不同，大部分一歲至一歲半嘅幼兒開始講出第一個有意義嘅單字；一歲半至兩歲開始將兩個詞組結合；兩歲至兩歲半嘅幼兒開始注意文法，可以講出簡單句子。但有啲小朋友2歲都未識講嘢，究竟係咩原因造成語言發展遲緩呢？
{adv here}
兒童語言發展遲緩的5大原因
1) 聽力障礙
語言發展當中，「聽」佔咗好重要嘅角色。學習過程當中，幼兒必須先學識聽，然後嘗試將聽到嘅聲音講出口。所以初生嬰兒聽力檢查非常重要，如果發現寶寶有聽力障礙，就有可能出現語言發展遲緩嘅情況。
2) 腦損傷
嬰兒出生前、後造成嘅腦部損傷，都有可能導致語言發展遲緩；早產以及出生時體重過輕都好大機會造成腦部損傷。
3) 自閉症
自閉症小朋友通常比一般人遲開口講嘢，而且模仿手勢動作溝通（例如揮手、飛吻）嘅能力同動力都比較弱。自閉症小朋友就好似活喺自己嘅世界裡面，唔會望人，亦唔會開口講嘢。但某一日佢哋會開竅，終於打開金口講嘢，但溝通時仍然會有語用上嘅困難。
{adv here}
4) 環境剝奪
父母冇好好教導或者過份保護，都係造成兒童語言發展遲緩嘅原因。現代父母經常以忙碌為理由，花好少時間同子女互動，影響小朋友嘅語言發展。另外，有啲長輩會過份保護小朋友，寶寶未開口要求就已經滿足咗佢嘅需求，從而減少咗寶寶口語表達嘅機會。
5) 智力不足
智力不足嘅小朋友無論係先天定後天因素造成，喺語言理解、詞彙量同表達能力上都會發展得比同齡兒童慢，需要及早治療同接受特殊教育。
資料來源：語言治療資訊讚 LIKEST
