復活節將至，好多家長都會應吓節，買復活蛋俾小朋友食。英國一名媽媽特意喺復活節前夕喺網上發文，講述3年前其5歲女兒Sophie食復活蛋鯁喉致死嘅悲劇，提醒家長們要小心。
{adv here}
導致Sophie窒息死亡嘅復活蛋係吉百利（Cadbury）「Mini Egg」，體積細小之餘，朱古力外面包咗一層糖衣，容易滑入喉嚨。Sophie媽媽曾經接受急救訓練，當時佢都有盡全力幫Sophie急救，但始終唔係專業醫護人員，結果都係搶救無果，眼白白睇住Sophie失去呼吸。
Sophie媽媽呼籲家長要小心挑選復活蛋，如果包裝上有列明警告「有鯁喉危險」，或指明「產品不適合4歲以下兒童」，就要特別留意。另外，家長要確保小朋友進食時係「坐定定」，千萬唔可以訓住食或邊玩邊食。
資料來源：星島日報，雅虎香港
{adv here}
