媽媽們都知道，良好嘅睡眠對於寶寶嘅生長發育同健康都有幫助，但當寶寶唔肯瞓覺嘅時候，你會點樣氹寶寶瞓呢？
一項針對全球0~3歲嬰幼兒嘅研究顯示，亞太區嬰幼兒嘅睡眠時間明顯低於歐美同齡小朋友。而上海交通大學醫學院附屬上海兒童醫學中心嘅研究發現，亞太區嬰幼兒「睡不好」，罪魁禍首係家長嘅錯誤氹睡方法。好多父母都缺乏培養寶寶良好睡眠習慣嘅知識，大部分家庭會用奶睡（即含住奶嘴瞓）同抱睡嘅方式氹寶寶瞓，養成寶寶依賴外界條件入睡嘅習慣。
{adv here}
常見錯誤氹睡方法
錯誤1：一有動靜立即氹
寶寶晚上一有動靜，有啲媽媽就會好緊張，即刻走埋去拍佢、抱佢。其實，寶寶嘅睡眠分為深睡同淺睡兩種狀態。初生嬰兒育嘅深睡同淺睡各占大約50%，而且會不斷交替。深睡時，寶寶處於完全休息狀態，除咗偶爾嘅驚跳同極輕微嘅嘴動之外，基本上冇其他活動；淺睡時，寶寶嘅手臂、腿同整個身體經常會有活動，面上仲會出現皺眉、微笑等表情。寶寶有動靜時，媽媽可以先喺床邊觀察吓寶寶係咪肚餓、覺得熱或者凍、尿濕等，唔需要即刻抱起氹。
錯誤2：奶睡
初生嬰兒因為體力較弱，同埋受到大腦模式嘅影響，出世後嘅幾星期經常會飲飲吓奶就瞓著。長期奶睡可能會影響寶寶嘅口腔、牙齒等發育。父母應該訓練寶寶吃睡分開，喺食同瞓覺之間加入活動時間。
錯誤3：抱睡
好多媽媽經常抱到寶寶瞓著先將佢放落床，咁做會出現寶寶一放低就醒嘅情況，養成要一直抱住瞓嘅習慣。
{adv here}
錯誤4：搖睡
當寶寶哭鬧或者瞓得唔好，有啲媽媽會將寶寶放入搖籃，直到寶寶瞓著為止。咁做會令寶寶未成熟嘅大腦同頭骨相撞，造成搖晃嬰兒綜合症，有可能導致智力受損、肢體癱瘓、弱視或失明，嚴重仲會引起腦水腫、腦癱而死亡。呢種情況多數發生喺3歲以下嘅寶寶。
媽媽應該輕輕拍寶寶背脊，而唔係抱住搖晃。媽媽亦可以坐喺寶寶床邊，捉著佢隻手，直到佢入睡。幾日後，媽媽同寶寶可以開始保持一定距離，但要畀寶寶見到媽媽，之後再將停留嘅時間縮短，令寶寶慢慢適應單獨入睡。
氹睡小貼士
1) 建立固定的睡眠模式
日頭小睡都要開住窗簾，唔需要刻意製造安靜環境，儘量多啲同寶寶溝通交流。夜晚睡前一小時，將電視音量調低或者關掉，保持室內安靜、昏暗，幫寶寶換尿片，然後可以講故事、聽柔和音樂等 ，直到寶寶入睡。
2) 睡前不要讓寶寶太興奮或疲勞
臨瞓前，應該同寶寶玩一啲靜態嘅遊戲，例如搖鈴、橡膠玩具等，見寶寶開始攰，就要儘快放佢落床，畀佢自己瞓。
資料來源：大時代
