1. 同小朋友打成一片
同小朋友相處嘅時候，好多家長習慣用教訓同埋居高臨下嘅態度去對待小朋友，咁樣會令小朋友心裏面對父母產生一種距離感同埋恐懼感。
{adv here}
{adv here}
2. 了解小朋友嘅諗法同喜好
人同人之間最主要嘅溝通方式就係傾偈，各位爸爸媽媽要抽時間同小朋友相處，細心觀察佢哋對邊啲事物感興趣，了解佢最近有冇遇到煩惱嘅事情，然後按照小朋友嘅諗法同埋喜好發掘話題，建立親子關係。
3. 同小朋友傾心事
有好多文章都會教導家長，要學習做小朋友嘅聆聽者，但往往忽略咗一點，就係家長聆聽之餘，都要學識同小朋友傾訴。溝通係一種互動，係雙方面嘅。如果家長只係一味聽小朋友嘅諗法，咁佢就有可能變成一個只會吐苦水，搵人幫忙嘅人，而唔會用心聽其他人嘅諗法同幫人。
4. 體會小朋友嘅感受
當小朋友嘅玩具壞咗，或者同朋友發生爭執嘅時候，小朋友都會好唔開心，如果家長剩係一味同小朋友講：「唔緊要啦，要堅強啲。」類似咁樣硬硼硼嘅安慰，小朋友會覺得你根本唔明白佢點解咁唔開心，日子耐咗，佢遇到困難只會收埋喺心入面，唔會再同你講。
{adv here}
5. 認真對待小朋友提出嘅問題
0至6歲嘅小朋友都有超強嘅好奇心，如果家長敷衍態度或者信口雌黃咁回答小朋友嘅問題，有可能會扼殺咗佢哋一個具有創意嘅想法，甚至會錯誤引導小朋友。家長要好好珍惜小朋友嘅好奇心，對小朋友提出嘅問題要耐心同認真咁回答。
6. 避免使用命令語氣
家長喺同小朋友講嘢時儘量避免用「我警告你……」，「你即刻同我……」，「乜你咁蠢㗎……」，「我唔準你……」 呢啲具有威脅、命令、責備、拒絕等意思嘅說話。或者你一時「火遮眼」而衝口而出嘅一句說話，會對小朋友嘅弱小心靈造成極大嘅影響。
資料來源：每日頭條
