小朋友講大話，作為父母都會好嬲。但係對人類嚟講，「講大話」其實係一樣好重要嘅社交能力。而「講真話」，可能會令佢哋缺乏咗同理心同體貼心。
一個人識講大話，一定要有可以分辨大話定係事實嘅能力。明知唔係事實，但要講成大話，係需要說話技巧同埋組織能力。
{adv here}
{adv here}
好多人都認為小朋友到咗三歲就會識得講大話。其實啱啱開始嘅時候佢哋講嘅大話係冇目的，因為佢哋發覺原來講大話嘅時候大人嘅反應好有趣，亦都係因為咁，喺呢個時候小朋友嘅大話係「為講大話而講大話」，屬於無罪嘅謊言。隨住小朋友年紀越大，佢哋會開始為咗某個目的而講大，而目的可能係「驚對方嬲自己」或者「場合唔啱而有所隱瞞」等等。
希望小朋友正直誠實嘅父母，發現自己嘅小朋友講大話時佢哋會大受打擊，因而傷心難過。尤其係認為小朋友「好純」嘅父母，佢哋完全接受唔到自己嘅小朋友會講大話呢個事實。
換句話講，小朋友講大話係因為佢哋自己比大人弱勢，為咗自我保護，唔想大人激氣，佢哋先會成日講大話。其實小朋友講咗大話，家長都唔需要為「我嘅小朋友講大話」呢件事反應太大，唔好因為咁就覺得同小朋友建立唔到親子信任嘅關係，質疑自己嘅教育方法。
{adv here}
當小朋友應承咗大人會做嘅事，但佢哋又做唔到；明知係自己做錯，但往往會將錯誤推去其他人或者事情上，將自己嘅錯隱瞞，作為家長一定會好激氣。但係家長又唔可以任由小朋友講大話，咁樣唔係正確嘅方法。我哋必須要諗方法引導小朋友誠實回答問題，冇需要講大話。
當小朋友講大話嘅時候，家長唔好直接教訓佢哋：「唔准講大話，講大話唔啱。」建議你哋同小朋友一齊思考點解講大話唔啱，同埋講大話會引致咩後果。而對於成日講大話嘅小朋友，你可以同佢講：「你講真話，爸爸媽媽會明白。」、「如果你講真話，問題可能好容易就可以解決。」好讓小朋友體會一下，俾佢哋從中學習，從而向「講大話」說不。
資料來源：今周刊
