1. 呼吸道傳染病
細菌性腦膜炎、水痘、普通感冒、流行性感冒、痄腮、結核、麻疹、百日咳等。以上疾病都可以經口水傳染。
2. 接觸傳染病
真菌感染、細菌感染嘅膿包症等。呢類疾病除咗會經直接接觸或者親吻患者傳染之外，都可以透過共用毛巾、餐具、衣物等傳染。
{adv here}
{adv here}
3. 口腔疾病
如果父母生緊痱滋，或者有蛀牙、牙齦炎等等嘅口腔問題，就唔好錫小朋友。因為呢個時候口腔入面會潛藏住大量嘅細菌同埋病毒微生物，同寶寶錫錫嘅時候，呢啲細菌、病毒微生物會有機會入侵到寶寶嘅口腔入面，影響佢哋健康。
4. 肝炎
肝炎患者嘅口水或者汗都有可能有病毒喺入面，對於抵抗力差嘅寶寶嚟講，會好容易受感染。
5. 吸煙
有吸煙習慣嘅家長，喺錫小朋友之前最好先刷牙。吸煙人仕嘅呼吸道同埋口腔長時間有尼古丁、煙焦油等等嘅有毒物質殘留喺入面，嬰兒同幼兒對呢啲物質非常敏感，容易引發哮喘等呼吸道疾病。
6. 化妝
有啲媽媽每日都化妝返工，返到屋企之後仲未卸妝就去錫寶寶。有好多化妝品都含有鉛、水銀等等嘅化學物質，而且仲含有雌性激素。呢啲有害物質會喺媽媽錫寶寶嘅時候入到佢身體入面，會容易引起慢性鉛中毒等病症。
{adv here}
7. 肚痾
嬰兒同幼兒嘅腸胃功能同埋免疫系統發育都未健全，會好容易受輪狀病毒感染，輪狀病毒可以經口腔傳播。
8. 紅眼症
紅眼症患者會經佢哋嘅眼屎、眼淚同埋被呢啲病菌、病毒污染嘅手傳染畀其他人，特別年紀咁細嘅寶寶，抵抗疾病嘅能力相對差，如果有紅眼症嘅家長直接錫寶寶，佢哋亦都會好容易受到傳染。
9. 咬碎食物餵寶寶
有啲老人家習慣將食物咬碎之後再餵畀寶寶食，認為咁樣寶寶會更加容易消化。事實上，好多老人家都患有牙齦炎等口腔疾病，或者腸胃有問題，呢啲病症都會產生相應嘅病菌留喺口腔入面。
初生寶寶嘅生理情況好特殊，抵抗力一定冇大人咁好，有啲細菌對於大人嚟講唔會引致疾病，但可能就好容易令初生寶寶引起嚴重嘅疾病，甚至死亡。
資料來源：女人樂生活
