最近，世界衛生組織對小朋友接觸電子屏幕有新嘅建議，仲強調「接觸電子屏幕時間過長，兒童缺乏運動係導致死亡嘅主要危險因素」。
{adv here}
{adv here}
兒童電子屏幕時間
1歲以下：0小時
1~4歲：1小時以下
4歲以上：2小時以下
小朋友接觸電子屏幕，有 3個原則：
1. 小朋友年紀越細，越要遠離電子屏幕
小朋友嘅成長，最初係透過「粗大動作」同埋「精細動作」嘅發展嚟實現。當年幼嘅小朋友過早沉迷喺電子屏幕產品，就會影響佢哋喺呢兩個方面嘅發展。爬行、跳躍、跑步嘅時間少咗，小朋友嘅「粗大動作」發展就會受阻；當小朋友畫畫、拎起玩具嘅時間少咗，「精細動作」嘅發展就會受阻。「粗大動作」同埋「精細動作」都同幼兒大腦發育有離唔開嘅關係。美國兒科醫學會都講過，小朋友嘅大腦喺頭幾年發展得好快，要多啲同人互動先有助大腦發育，電子屏幕只會影響小朋友嘅大腦發育。
2. 玩互動性嘅App，避免睇被動性嘅動畫
動畫片有聲光同畫面嘅快速轉換，呢個過程睇落變化得好快，但小朋友嘅大腦其實一直維持喺最原始嘅區域運作。美國兒科行為研究學家Susan Johnson表示，動畫每2-3秒就換畫面，思考區無法參與。當小朋友呢部份嘅腦部長期得唔到有效嘅刺激，將來小朋友嘅思考能力、邏輯能力、專注力、自控能力就會好差，學習能力、情緒控制等等都會變差。
小朋友玩手機、平板電腦等，最好選擇一啲有互動功能嘅App，例如填寫英文單詞、計數類嘅遊戲。
{adv here}
3. 玩地板遊戲，避免使用電子屏幕
地板遊戲係指坐喺地板上面玩嘅真實遊戲，例如玩玩具、砌積木等，而唔係電子屏幕上面嘅虛擬遊戲。
當小朋友經常接觸電子屏幕，佢哋同真實環境嘅互動就會減少，早期大腦嘅相應突觸發展都會受到影響，例如行為運動、社交互動、四肢觸覺嘅發展缺乏，最終會令小朋友嘅大腦未能如期成長。
資料來源：壹讀
