好多人都話， BB出世之後就會產生人生嘅第一個分水嶺。原本女人只需要照顧好自己、扮靚、去旅行；生咗小朋友之後，生活都係圍繞住小朋友、尿片、奶粉等等，曾經光彩華麗嘅生活一去不返。
{adv here}
{adv here}
喺事業同湊B之間做選擇，始終都要放棄其中一樣。不過總有啲事業有成嘅媽媽會睇唔起全職媽媽，認為咁樣係犧牲自己，到頭來只會成為冇經濟能力嘅黃面婆。
以下就話畀大家知，全職媽媽有幾厲害！
1. 條理清晰
其實喺屋企照顧小朋友比起返工仲攰。打掃、煮飯、餵小朋友、陪小朋友玩樣樣一腳踢。經過長時間嘅磨練，好多媽媽都會悟出自己一套邏輯，通過自己清晰嘅條理同努力去經營自己嘅家。
2. 遇事不亂
BB嘅成長過程中會出現好多難題，尤其係BB病咗嘅時候，媽媽就最無助。始終就算睇咗幾多理論知識，到實戰嘅時候都難免會手忙腳亂。
但久而久之，只要BB一喊，媽媽就知道係肚餓定眼瞓； BB有邊度唔舒服媽媽就即刻諗到要點樣應對。就算自己一個帶住BB去醫院，掛號、交錢、攞藥都可以唔慌亂，因為佢哋知道，只有自己淡定，小朋友先會有安全感。
{adv here}
3. 內心強大
有全職媽媽表示，一個人照顧小朋友嘅時候，自己病咗先至係最辛苦。除咗難受之外，最終只可以病住咁照顧小朋友。無人幫到手嘅時候，唯有自己慢慢變得強大先至撐得起成頭家。
資料來源：每日頭條
