產後應該點樣減肥先唔會影響健康，又可以快速修身？今次為大家推介8個飲食小秘訣。
秘訣1：如果冇餵母乳，產後可以攝取同懷孕前相同嘅熱量，既可以幫助減去身上多餘贅肉，又可以維持體力。
{adv here}
秘訣2：每日飲2杯牛奶，牛奶中嘅脂肪含量只有3%，飲用後容易產生飽肚感又唔會致肥，仲可以提供充足嘅蛋白質、鈣質及大量維他命B、A等營養素。建議選擇脫脂奶，因為脫脂奶同全脂奶嘅蛋白質含量相同，但脂肪含量就比全脂奶低。
秘訣3：每日食用250克深綠色蔬菜，深綠色蔬菜中含豐富膳食纖維、胡蘿蔔素、維他命C、鈣、鐵等營養素，例如芥蘭、西蘭花、豆苗、小白菜、通菜等。最好用餐時先食蔬菜，可以增加熱量消耗。
秘訣4：每日最少食用150克主食，唔食主食雖然可以消耗脂肪，但會產生過多代謝廢物，影響健康。主食中最好包含一種粗糧，例如燕麥、粟米、甘薯、豆類等。粗糧含豐富膳食纖維、B族維生素，食用後可以增加飽肚感。
{adv here}
秘訣5：食用大量水果嘅方式來滿足食欲係大錯特錯，水果中含糖份8%~20%，而香蕉嘅澱粉質含量相當高。每日食用嘅水果數量最好控制喺300克以下(去皮去核後)，香蕉最好唔超過2隻。
秘訣6：水果唔應該餐後食，正確做法係餐前食。咁做可以減少進食正餐時嘅饑餓感，從而避免進食過多，有助於控制體重。
秘訣7：選擇低脂肪高蛋白質嘅食物，例如豆製品、牛奶、雞肉、魚等。
秘訣8：避免進食含人工合成劑以及加工食品，儘量選擇天然食品，例如食炸薯條就不如食新鮮薯仔。
資料來源：39健康網
