美國新澤西州（New Jersey）近日發生咗一宗偷BB車嘅案件，3名女子各自帶著小朋友進入一間嬰兒用品店，其中一名著住橙色衣服嘅女子拎起一架摺疊式嬰兒車就頭也不回咁離開，完全忘記咗小朋友嘅存在，直到6分鐘後另一名女子先返回舖頭帶走小朋友。
{adv here}
{adv here}
根據CBS New York報導，「Bambi Baby」嬰兒用品店嘅店主Enelio Ortega公開本月16日嘅一段監控畫面，有3名女子各自帶著一名小朋友進入店舖，其中著住橙色上衣牛仔短裙抱住小男孩嘅女子開始有所行動，佢先將小男孩放低，然後四處張望確保冇人注意後，就將貨架上嘅其中一架摺疊式嬰兒車拎落嚟，確定可以正常操作後就拎住架車頭也不回咁行出門口，之後另外兩人亦都各自帶著小朋友離開店舖，重點係，佢哋完全忘記咗舖頭入面仲有一個著住黃色衫嘅小男孩冇人理。
店舖經理Justin覺得難以置信，「我覺得沮喪嘅係，居然有人覺得偷BB車比一個小朋友還重要。」Justin表示，差不多6分鐘後，其中一名女子先折返帶走小朋友，佢覺得呢3名女子對待小朋友嘅方式實在不能接受，所以決定將呢段影片公開。
{adv here}
店舖經理表示，店內將會增設更多攝影鏡頭，甚至考慮喺商品上面加上防盜感應裝置。警方透露，已經逮捕咗其中2名女子，而被偷走嘅嬰兒車都已經物歸原主。
資料來源：ETtoday
