寶寶出世之後，媽媽望住初生寶寶已經好開心，喺照顧寶寶嘅過程入面，亦都會有唔少驚喜出現。寶寶喺頭三個月入面大部分時間都會用嚟瞓覺，有好多媽媽發現寶寶瞓緊覺嘅時候，都會不自覺咁偷笑，寶寶咁細個就識發夢？點解寶寶會喺瞓覺嘅時候笑得咁開心嘅？以下呢3個原因，各位媽媽了解多啲！
{adv here}
{adv here}
1. 寶寶發緊夢
好多寶寶喺瞓緊覺嘅時候，都會出現呢種情況，媽媽見到會覺得好窩心，但另一方面又會覺得好奇怪。其實寶寶喺瞓覺嘅時候露齒笑，好有可能係小寶寶發緊夢。有研究指出，胎兒喺8個月大左右就會發夢，因為呢個階段大腦皮層已經形成，已經有發夢嘅功能。寶寶大部分時間都係瞓覺，佢笑得咁開心好有可能係發緊開心嘅夢。
2. 寶寶處於淺層睡眠中
寶寶瞓覺嘅時候，有時寶寶會喺淺層睡眠狀態，有時就會喺深層睡眠嘅狀態，當寶寶處於淺層睡眠嘅時候，可能喺瞓覺嘅時候會偷笑，甚至可能會笑出聲，呢個係寶寶發育過程入面好正常嘅一種生理現象。等到寶寶進入深層睡眠嘅狀態之後，就唔會出現呢種情況。
{adv here}
3. 寶寶發育得好健康
寶寶瞓覺嘅時候露齒笑，其實屬於一種無意識嘅動作，不過喺一定程度上，反映出寶寶嘅發育狀況。寶寶出世之後，如果媽媽喺護理初生寶寶方面做得好好，亦即係寶寶食得好，自然都會瞓得好，咁樣佢哋喺瞓覺嘅時候都可能會露齒笑。所以如果媽媽發現寶寶有出現呢個情況，亦都證明媽媽將寶寶照顧得好好。
資料來源：每日頭條
