每個懷孕嘅準媽媽，都希望寶寶可以健健康康咁出世，尤其係本身屬於過敏體質嘅媽媽，都會擔心敏感會遺傳畀寶寶。有人認為懷孕期間攝取益生菌，可以降低生出過敏體質寶寶嘅機會，事實又係咪咁呢？
{adv here}
益生菌促進腸道健康 但不能改變過敏基因
事實上，市面上出售嘅益生菌補充品係活性微生物製品，主要有助於清除腸道壞菌，同過敏基因並冇直接關係。所以，其實孕婦透過攝取益生菌來降低過敏嘅遺傳機率，效果相當有限。
如果孕婦自己或夫妻雙方有家族過敏史，咁生出過敏體質寶寶嘅機率自然比較高。雖然益生菌唔可以改變基因，但對於提升孕婦免疫力、促進腸道健康確實有幫助。
{adv here}
營養師表示，準媽媽攝取益生菌，可以促進產生較多免疫細胞，強化免疫系統；而腸胃吸收能力好，攝取嘅營養就可以順利傳遞畀寶寶。既然益生菌對孕婦同胎兒都有好處，準媽媽應該點食先有用呢？
選擇複合型益生菌 長期攝取效果較佳
營養師提醒，購買益生菌時，必須選擇製造藥廠獲得cGMP認證嘅產品；另外建議選擇複合型嘅益生菌，因為唔同嘅菌種都有唔同嘅特性同功效。有啲專門針對腸道上半部，有啲只針對下半部，所以選擇複合型益生菌產品，會比單單攝取某個菌種更健康。
準媽媽如果決定補充益生菌，就應該每日按照包裝上面嘅說明服用，而且要不間斷並長期攝取適當份量，唔可以突然增加攝取量，服食過量對孕婦無益。
含有乳酸菌嘅乳酪係補充益生菌嘅另一個選擇，孕婦每日嘅奶類製品攝取量可以達2杯(一杯=240c.c.)，不過要注意糖份嘅攝入。
資料來源：華人健康網
