新加坡年初發生咗一宗7個月大女嬰離奇死亡案件，死因日前終於出爐。女嬰喺2018年6月出世，12月開始就一直自己一個分房瞓，今年1月15日早上被爸爸發現冇任何反應，隨後被證實死亡。
{adv here}
{adv here}
根據星國亞洲新聞台（CNA）報導，1月14日晚，女嬰媽媽如常餵女兒飲奶，然後喺房間等到9點幾女嬰瞓著先離開。女嬰爸爸喺11點左右入過女兒房間檢查冷氣溫度，當時房間好黑，女兒冇發出任何聲音。女嬰父母表示，成晚都冇聽到女兒出聲。到咗第二朝7點左右，女嬰爸爸就發現女兒幾乎全身被困喺床墊同埋欄杆之間嘅縫隙，面向住加咗床圍嘅欄杆。
{adv here}
法醫喺今個月4號證實，女嬰嘅死因係窒息。法醫解釋，7個月大嘅嬰兒通常可以喺床上打滾，但仲未識得爬行。所以如果bb唔小心碌咗入縫隙，就好難爬得返出來。女嬰爸爸表示，女兒並唔係第一次被困喺縫隙入面。意外發生嘅幾星期前，父母都曾經半夜聽到女兒喊，發現佢被困喺同一個位置。
資料來源：ETtoday
