一般來講，初生bb由於胃食道括約肌未發育完全，好容易發生少量「溢奶」嘅情況，過多3、4個月會有改善，但如果係噴射式嘅話，就係「吐奶」，以下係吐奶嘅成因同埋預防方法。
{adv here}
{adv here}
餵奶餵太快
喺睡眠不足嘅情況下，家長都會想bb快啲飲完枝奶。但大人食嘢食得太快都會難消化，何況bb呢？家長應該將餵奶速度減慢，少量多餐。
餵完奶馬上平瞓
餵完奶後必須掃風，保持頭比腳高嘅右側臥姿勢至少20分鐘，令飲咗嘅奶集中喺胃部較深嘅位置，同埋避免壓到bb胃部。
餵太多
有啲bb口慾特別好，飲奶飲到肚漲都唔知，大人必須控制佢哋嘅食量，以免bb消化唔到，造成吐奶。
胃酸倒流
因為初生bb正在發育，好容易出現胃酸倒流嘅問題，早產bb特別常見，應該請教兒科醫師，由醫師去診斷同埋觀察跟進。
{adv here}
吐奶後，不要強迫進食
同大人一樣，身體不適就唔好強迫佢哋繼續進食，bb吐完奶應該拉長餵奶時間，俾佢哋好好休息，唔需要將剩餘嘅奶飲完。
只要平時多啲注意上面呢幾點，吐奶情況就會得到改善。如果發展bb有不尋常嘅狀況，例如面色唔正常、一日吐奶3~4次、生長曲線脫離標準等，就應該盡早求醫。
資料來源：ETtoday
