唔少人認為，飲配方奶嘅寶寶較容易出現便秘問題，到底係偏見定係事實？今次就為大家拆解3個奶粉迷思。
迷思1：用蒸餾水沖奶粉
錯誤。美國兒科學會建議父母，沖奶粉時最好使用煲過嘅自來水，唔建議長期使用蒸餾水，因為蒸餾水所含嘅礦物質非常少。無論大人或小朋友，每日都需要從日常飲用水中攝取礦物質同微量元素。
{adv here}
迷思2：大豆配方奶粉同牛奶配方奶粉一樣咁好
不是。牛奶配方奶粉係母乳最好代替品，因為佢所含嘅蛋白質同母乳蛋白質相近。美國兒科學會營養分會主席Frank Greer博士指出：「大豆蛋白和動物蛋白截然不同，而嬰兒的生長發育需要動物蛋白。」
大豆配方奶粉確實安全，但唔係必需。父母會經常因為寶寶脹氣而改餵大豆配方奶粉，希望寶寶更容易消化吸收，但事實上大豆唔會比牛奶易消化，如果寶寶對牛奶敏感，的確可以改餵大豆奶粉，但更好嘅選擇其實係水解蛋白配方奶粉，由於呢種奶粉入面嘅牛奶蛋白已被分解，基本上唔會引起敏感。
{adv here}
迷思3：配方奶容易引起便秘
未必。如果寶寶飲用奶粉後出現便秘，家長需要考慮以下因素：
1) 乳糖缺乏
如果寶寶有接觸牛奶，有可能係乳糖缺乏，因為母乳嘅乳糖含量係7.5%，而牛奶嘅乳糖含量只有4.8%，飲牛奶配方嘅嬰兒，腸腔內缺乏發酵物質，就會容易造成便秘。
2) 配方奶濃度過高
有啲家長認為奶粉嘅營養比唔上母乳，就將奶粉沖得特別濃，導致奶粉過稠而令寶寶出現便秘情況。
3) 膳食纖維不足
寶寶攝取嘅膳食纖維太少都會引起便秘，應該盡量選擇有膳食纖維嘅奶粉。
4) 選擇較難消化嘅配方奶粉
經過多次加工成型嘅奶粉，往往蛋白質分子會過大，影響寶寶消化吸收，造成寶寶便秘，所以媽媽可以選擇由鮮奶到罐裝一次完成嘅奶粉，冇經過多次加熱嘅工序就唔會令寶寶便秘，減輕腸道負擔。
資料來源：雪花新聞