好多人話食黑豆可以促進排卵，會令準備懷孕嘅女性快啲「有喜」。究竟係咪真嘅呢？黑豆嘅功效真係咁神奇？今次小編就同大家分析一下！
{adv here}
{adv here}
黑豆有乜嘢營養？
1. 黑豆係典型高蛋白，低脂肪嘅食物，含有18種氨基酸，尤其係人體必需嘅8種氨基酸；另外仲含有19種油酸，而不飽和脂肪酸含量有80%，吸收率極高。
2. 黑豆含有豐富嘅維他命E，花青素，異黃酮等等嘅成分。異黃酮係其中一種黃酮類化合物，同女性雌激素結構相似，有「植物雌激素」之稱。
3. 黑豆嘅微量元素例如鋅、銅、鎂、鉬、硒、氟等含量都好高，而呢啲微量元素對延緩人體衰老、降低血液粘稠度等等都好重要。
黑豆真係可以促進排卵？
上面提到，黑豆含有異黃酮，主要存在喺豆科植物入面，有「植物雌激素」之稱。女性雌激素主要嘅作用係增加子宮內膜嘅厚度，刺激卵泡發育，同埋促進輸卵管發育，為精子進入創造良好條件。所以，食黑豆的確可以有幫助促進排卵嘅功效。
{adv here}
但專家提醒，黑豆有助懷孕只係民間偏方，臨床上並唔會用黑豆嚟幫助排卵。從營養學角嚟睇，由於黑豆含有雌激素，所以準備懷孕嘅女性食用後的確可以補充雌激素。要注意嘅係，喺懷孕過程中，唔可以單單靠雌激素嚟增加受孕機會，雌激素太多或者太少都唔得，如果大量攝入，有可能會引起生理周期異常等反效果。所以，黑豆雖然好，但唔可以食太多，亦都唔應該將懷孕寄托喺黑豆身上，所有食物都不適宜過量。
黑豆助孕偏方
喺月經結束後第一日開始連繼食六日，每日食50粒左右。黑豆先浸12個鐘然後煮熟，可以加少許鹽調味。
如果婦女本身有雌激素偏低、子宮內膜異常等問題，就唔可以依賴黑豆助孕，一定要及時就醫，透過藥物同打針等正常途徑進行治療。
資料來源：iFuun
