好多人都話婚姻係戀愛嘅墳墓，結咗婚，生活上嘅鎖碎事令夫妻兩人好容易發生衝突，新鮮感亦都遂漸減退，甚至已經無法喺對方身上搵到優點。到底應該點樣維繫夫妻之間嘅感情呢？經常做以下3件事，可以令兩夫妻嘅感情十年如一日。
{adv here}
1) 經常單獨約會，過二人世界
雖然已經結咗婚，但仍然要以戀愛嘅心態同對方相處。特別係有咗小朋友之後，一家人嘅生活都會圍著小朋友轉，兩個人單獨相處嘅時間越來越少。要維繫兩夫妻嘅感情，一定要儘量抽時間過二人世界，好似結婚紀念日、情人節之類嘅特別節日，應該兩個人單獨慶祝，小朋友就留返畀家人幫忙照顧一日。
2) 生活中找些事情一起做
家庭中有明確嘅分工係好事，但唔可以分得太清楚。例如一個人只係負責賺錢，另一個人負責湊小朋友同做家務，長此下去，雖然兩個人一齊生活，但共同語言會越來越少，時間長咗就會影響夫妻之間嘅感情。
主攻事業嗰一方可以將工作上遇到嘅煩惱同另一半傾訴，照顧家庭嗰一方可以將小朋友嘅日常趣事同另一半分享。兩夫婦最好平時搵多啲嘢一齊做，例如一齊買餸煮飯，一齊陪小朋友去公園玩等等。
{adv here}
3) 不要無理謾罵，而是有效的吵架
婚姻中出現爭執嘅情況好正常，但唔好動不動就嗌交，更加唔好提出離婚之類嘅字眼。雙方喺爭執嘅時候要控制自己嘅情緒，切忌衝動，唔好無理取鬧，唔好亂掟嘢，儘量心平氣和。同時亦要打開心扉，將想講嘅說話講晒出來，要搵到二人問題所在，先可以將問題解決。
無論有幾唔開心都唔可以喺小朋友面前嗌交，夫妻關係唔和諧會對小朋友造成非常大嘅影響。
資料來源：每日頭條
