從生理角度睇，20幾歲係女性生育黃金期。今次就同大家講吓早生育嘅6個好處。
1. 生殖功能旺盛時期
專家認為，女性嘅生殖功能喺20歲初期最為旺盛。每個女性天生就有1~2百萬個卵子，到咗青春期會減少至30~50萬個，步入20幾歲嘅適孕期，就只剩300個。
2. 胎兒缺陷機率較低
越遲生，卵子數量同品質就會越低。較年長嘅女性，卵子較易出現基因不正常嘅現象，導致寶寶患有如唐氏綜合症等先天缺陷。
3. 流產機率較低
20幾歲懷孕嘅流產率只有10%，如果喺30幾歲初期懷孕，機率則會增加到12%，到咗30幾歲晚期、40歲，甚至45先懷孕，流產機率會分別增加到18%、34%同埋53%。
4. 生理負擔相對較輕
喺年輕時懷孕，生理負擔不但會比較輕，併發症例如糖尿病、高血壓或其他婦科問題嘅發生率都會比較低。除咗流產機率，年輕產婦遇到嬰兒出生體重過低嘅機會都較低。
5. 有足夠體力照顧BB
年輕父母比較有體力照顧小朋友，同埋比較承受到湊b導致嘅睡眠不足。
6. 較易接受新事物
年輕爸媽比較願意為咗小朋友改變固有觀念，能夠同小朋友一齊學習新事物。
資料來源：ETtoday
