大部分在職媽媽都會喺公司用泵奶器泵奶，裝入母乳保存袋/樽，然後放入雪櫃儲存，放工就帶返屋企繼續冷藏。在職母乳媽媽最關心嘅問題，莫過於母乳冷藏及保存，今次就同大家探討吓呢個課題。
{adv here}
1) 母乳保存時間
母乳含有豐富蛋白質脂肪等營養素，所以比較容易因為細菌滋生而變壞，喺不同嘅溫度下，保存時間都會有所不同：
25度室溫：6小時
19-22度室溫：10小時
0-4度冷藏：一星期左右
普通冷凍：3個月左右
極少開關門的深度冷凍：6個月以上
2) 何時要冷凍，何時要冷藏？
根據以上嘅時間，大致上都知道，咩情況下需要冷凍，咩情況下需要冷藏。一般寶寶飲母乳嘅時間比較有規律嘅話，其實唔需要冷凍，每日泵奶後就立即放入雪櫃冷藏，回家路上用冰種保持溫度，返到屋企放入雪櫃繼續冷藏，第二日畀寶寶飲晒就得。
但某啲情況下，例如媽媽要出差幾日，又唔想斷奶，就要泵定幾日嘅奶保持奶量，而呢啲奶需要保存較長時間，所以一般泵出後就要立即冷凍。
另外，有啲媽媽放產假期間奶量較多，寶寶飲唔晒，都會泵出來冷凍保存，等復工後如果奶量不足就可以拎出來畀寶寶食。
冷凍保存時，一定要寫好標籤，標明日期同份量，避免過咗期都唔知。
{adv here}
3) 冰奶的營養如何？
呢點其實唔駛擔心，冰奶嘅營養唔會比冷藏嘅母乳差，因為一般泵出來就即刻急凍，大部分營養都唔會流失。不過冷凍過呵嘅奶會有啲腥味，如果寶寶唔肯飲，可以同新鮮母乳混合畀寶寶飲，腥味會冇咁明顯。
4) 冰奶如何解凍？
解凍冰奶要好講究，否則有可能破壞母乳嘅營養。如果夠時間嘅話，可以提前一晚由冰格移到冷藏格慢慢解凍，如果趕唔切，可以用暖水隔著冰奶嘅容器解凍，並注意時不時要搖晃容器，咁先可以受熱均勻，亦都可以用暖奶器解凍。
千祈唔好用微波爐，或者直接用煮食爐加熱，咁樣會破壞母乳嘅營養。
另外，已解凍嘅冰奶，一定要喺24小時內飲晒，千祈唔好再冷凍，咁樣會好容易變質。
資料來源：雪花新聞
