法國思想家盧梭曾經講過：青少年時期是一個狂風暴雨的危險時期。

青少年好容易出現各種心理問題，導致成績一落千丈。家長們應該點樣引導子女平穩度過青春期，成為品學兼優嘅學生呢？

{adv here}

如何跟青春期孩子溝通 ？

1) 不要把自己的意識強加給孩子

好多家長都習慣幫子女做決定，結果往往不被理解，甚至被子女埋怨。家長們忽略咗一點，以為咁做係為小朋友好，實質上係剝奪咗佢嘅選擇權。家長嘅「安排」好多時都未經子女同意，根本唔係佢想要嘅，反而會覺得家長所做嘅一切都係為咗滿足虛榮心。

家長一定要記住：「要尊重孩子的意見，要交流不要專制，要溝通不要獨裁」。受年齡同閱歷所限，青少年嘅想法、做法肯定唔夠成熟，未必可以理解家長嘅苦心。家長應該以溝通嘅方式求同存異，當子女發現家長尊重佢哋，佢哋先會願意聽你講嘢。

2) 不要在飯桌上教育孩子

原本一家人坐埋一齊食飯係一件溫馨愉快嘅事，即使唔講嘢都唔會覺得尷尬。然而唔少家長寧願打破沉默，利用呢種輕鬆嘅氛圍來教育子女。父母們經常趁食飯時間對子女問東問西，或者講大道理，甚至不斷責備。呢個時間說教，不但唔能夠令佢哋聽話，反而會令佢哋更反叛。

{adv here}

一方面，會直接導致孩子食慾不振，消化不良，長此落去，有可能會造成厭食症。另一方面，父母嘅追問或者責怪，會令子女覺得非常反感，家長同子女嘅距離會越嚟越遠，影響親子關係。用餐時，只適合簡單輕鬆嘅交談，不妨叫子女分享吓學校發生嘅趣事，有冇識到新朋友等等，呢種話題可以帶動子女嘅快樂情緒，拉近彼此嘅距離。

3) 與孩子進行朋友式的交流

家長同子女交朋友，首要目的唔係去影響、教育，而係要理解、傾聽。傾聽係家長必備嘅技能，但傾聽嘅大前提，係家長要先取得子女嘅信任。只有以信任為前提，佢哋先肯向家長傾訴，家長先有傾聽嘅機會，從而走進佢哋嘅內心世界。家長們切記，千祈唔好以為子女仲細就咩都唔識。家長唔可以一味要求子女完全按照自己嘅方案去執行，要有妥協，要有商量，要給彼此餘地。

家長要相信，子女唔會百分之百係錯。想建立良好嘅親子互動，家長要先放下高高在上嘅地位，子女先會樂意同父母成為無所不談嘅好朋友，亦都會願意接受父母嘅意見。

資料來源：每日頭條