經常會見到家長一手拖住小朋友，一手拎住手機，聚精會神咁望住手機螢幕。好多爸爸放工返到屋企就攤喺梳化玩手機，小朋友叫佢檢查功課，佢就求其望兩眼就算。
可想而知，對於自己生活毫無追求，終日沉迷玩手機、睇電視嘅家長，往往喺孩子嘅教育問題上，會造成不良影響，因為佢哋都忽視咗以下幾點。
{adv here}
1) 父母缺乏學習意識
平時放工返到屋企，或者週末休息，唔睇電視唔玩手機仲有咩可以做？好多家長認為自己已經唔需要再學習，而呢個正正就係造成家庭教育層次低嘅主要原因。好多父母往往缺乏學習意識，佢哋認為將時間花喺手機、電視上係理所應當。有遠見嘅家長，一定會注重學習，有自己嘅追求，有清晰嘅人生規劃，注重自身嘅文化修養，同時亦會時刻督促小朋友汲取新知識。
2) 父母忽視了榜樣的作用
父母係子女嘅第一任老師。但好多家長認為教育孩子係老師嘅任務，自己只需要將小朋友送去學校。小朋友嘅行為都係從模仿開始，而父母就係佢哋最初嘅模仿對像。好多家長自己就日日睇電視玩手機，但要求小朋友認真讀書努力學習；自己渾渾噩噩得過且過，而小朋友就要發憤圖強出人頭地。
合格嘅家長，首先要嚴格要求自己，注意自己喺小朋友面前嘅行為同形象。所以，想做一個層次高嘅家長，唔好喺小朋友溫書做功課嘅時候，自己坐喺旁邊睇電視；亦都唔好一邊幫小朋友檢查功課，一邊時不時睇手機。
{adv here}
3) 父母只會要求孩子
父母應該將自己同子女放在同一層面上看待，要確保要求小朋友做嘅事，自己都能夠做到。家長要識得尊重孩子，接受小朋友嘅不足，但要儘量令佢哋變得更好。對於有追求嘅家長，教育子女亦都係佢哋要求自己進步嘅過程。好多家長往往以工作為由機不離手，但實際上，真正需要依靠手機嚟完成嘅工作微乎其微。
要記住，世界上最成功嘅教育就係言傳身教。你將自己毫無節制，沉迷手機嘅陋習暴露喺子女眼前，又點樣要求佢控制慾望，一心向學呢？父母應該將手機放埋一邊，用多啲時間陪小朋友。
資料來源：阿波羅新聞網
