好多家長都知道小朋友補鈣嘅重要性，但係對於補鋅就唔太了解。
首先我哋嚟睇下鋅對人體有乜嘢作用。缺乏鋅嘅小朋友會好難集中注意力、頭髮枯黃、冇胃口食嘢等，所以鋅對小朋友嚟講就係可以幫助佢哋身體發育，令佢哋可以健康成長。
{adv here}
{adv here}
如果小朋友身體缺乏鋅嘅話，佢哋會出現乜嘢症狀呢？
1. 食欲不振
小朋友身體缺鋅嘅話，就會冇胃口食飯，同埋揀飲擇食嘅問題會比較嚴重，佢哋會鍾意食一啲比較奇怪嘅食物，稱為異食癖。如果小朋友出現呢啲問題，好有可能係因為體內缺鋅。
2. 發育遲緩
小朋友食欲不振，自然會影響佢哋嘅發育，即使小朋友睇落飲得食得，但係身體發育依舊好緩慢，亦都會出現身高問題，所以對於發育得遲嘅小朋友嚟講，不單止要補充鈣，補充鋅都一樣咁重要。
3. 智力發展落後
綜合食欲不振同埋發育遲緩呢兩大因素，小朋友嘅智力發展都會受到影響，會出現智力低、反應慢等等嘅現象，嚴重影響到小朋友學習同埋生活。
{adv here}
4. 身體異常
小朋友會出現頭髮枯黃嘅問題，仲有手指倒刺、視力下降同埋多種皮膚炎，如果小朋友嘅手指經常出現倒刺，而且指甲有白斑，咁小朋友好有可能缺鋅。
偏食嘅小朋友最容易缺鋅
有接近3成偏食嘅小朋友身體入面缺乏鋅，可能同而家嘅小朋友容易有過敏體質有關，令到好多家長唔敢畀小朋友食帶殼海鮮類嘅食物。如果小朋友真係對海鮮過敏，建議可以食堅果類、穀類、南瓜、雞蛋、牛肉、羊肉等食物嚟補充鋅。
資料來源：每日頭條
