瞓覺前如果小朋友使用電子產品，會令佢哋嘅腦部持續興奮 ，放鬆唔到精神，瞓唔到覺。如果想小朋友瞓覺前內心安靜落嚟，家長同小朋友都要放低電子產品，陪小朋友睡前閱讀。
{adv here}
{adv here}
睡前閱讀係一種習慣，亦都係小朋友大腦發展、思維形成嘅過程。閱讀唔單止係一個學習嘅過程，仲可以俾小朋友認識呢個世界。
美國哈佛大學嘅一項新研究發現，爸爸喺小朋友兩歲前開始講睡前故事畀小朋友聽，小朋友會獲益良多。媽媽講故事通常傾向於陳述事實，爸爸就比較天馬行空，可以引起小朋友嘅興趣同思考。小朋友臨瞓前嘅想像力特別強，呢個時候籍著講故事去帶小朋友見識一下多姿多彩嘅世界，效果會事半功倍。
{adv here}
睡眠對小朋友嚟講係一個重要嘅發育過程，建立良好嘅睡眠模式，唔單止可以準時瞓教仲可以提高睡眠質素，幫助小朋友建立良好嘅生活規律。
現代社會節奏急速，家長陪伴小朋友嘅時間越嚟越少。每日用一小時將自己交畀小朋友，小朋友都會交個心畀父母，都係一種親子關係嘅昇華。
千萬唔好俾小朋友喺傷心嘅情況下瞓覺，咁樣會對小朋友造成好大嘅傷害。換個方式，將睡前嘅時光變成珍貴嘅親子時光。
資料來源：GreatDaily
