語言暴力唔單止係大聲喝罵，對小朋友用詆毀、蔑視、嘲笑等等帶有侮辱歧視成份嘅言詞，甚至拒絕同小朋友講嘢，令小朋友喺精神同心理上受到傷害，都屬於語言暴力。
{adv here}
{adv here}
語言暴力對小朋友傷害有幾大？
其實大部分爸爸媽媽都係真心愛錫自己嘅小朋友，但都會無意中對小朋友進行語言暴力而不自知。家長望子成龍，當小朋友達唔到爸爸媽媽嘅要求，家長一怒之下都會隨口講出「點解你咁蠢」、「用下你個腦啦」等等嘅說話。
有啲小朋友個性偏激固執，就會將家長嘅說話放大，認為爸爸媽媽傷害咗自己嘅自尊心，仲會產生憤怒、反叛嘅心理，小朋友將來有可能變成一個「憤青」。
相反有啲小朋友個性內向順從，可能會將父母嘅嘲笑、謾罵轉化為一種心理暗示，認為自己真係又蠢又懶，一無是處，唔受歡迎等等。呢種自我否定、懷疑、消極嘅心態會令小朋友唔識得處理人際關係，久而久之可能會引發抑鬱、狂躁等情緒病。
{adv here}
降低聲調，令小朋友更集中注意力聽
有啲家長喺批評小朋友嘅時候，都會發出「獅吼功」，希望可以鎮住小朋友。但咁樣做好多時都會有反效果，令到小朋友大吵大鬧或者大喊哭鬧。呢個情況下，雙方情緒會愈嚟愈激動，甚至家長會忍唔住出手打小朋友，但小朋友心入面始終唔服。
「獅吼功」冇效果，不妨試吓降低聲浪。降低聲調，唔單止可以控制自己情緒，仲可以令小朋友減少反抗。因為降低聲浪，小朋友會比較容易聽得入耳，雖然被父母教訓，但內心都感覺到被尊重，所以會更加容易接受父母嘅意見。
資料來源：雪花新聞
