「醫生，點解BB成日咬人？」好多新手爸媽會遇到寶寶喺嬰幼兒期經常咬人嘅情況，其實咬人係寶寶嘅常見行為，以下就係寶寶咬人嘅4大原因。

{adv here}

寶寶亂咬人的4大原因

1) 口腔期
1歲半前嘅寶寶會透過咬人或者物件來探索世界，呢個行為可以令佢哋獲得心理上嘅滿足。研究顯示，嬰幼兒嘅口腔期同肛門期，對於寶寶將來嘅性格有好大影響。

2) 出牙期
寶寶喺大約6個月大就開始出乳齒，由於牙齒發育時口腔經常會有不適感，寶寶會想透過咬人來體驗咀嚼嘅感覺。

3) 想引起注意
2歲大嘅寶寶由於仲未完全可以用言語表達自己，所以會用咬人來表達情緒同埋引起家長注意。

4) 模仿大人
有時大人見到寶寶咁可愛，都會忍唔住輕輕力咬佢哋一啖，但好多寶寶都鍾意模仿大人，所以就會開始咬人。

{adv here}

一般而言，只要搵出寶寶咬人嘅原因，就可以知道應該點樣解決咬人行為。建議媽媽們可以畀處於出牙期嘅寶寶咬磨牙棒或者牙膠，市面上都有好多用米造嘅玩具可以畀寶寶一邊玩、一邊磨牙，解決出牙時嘅不適問題。另外，爸媽們可以教導寶寶，咬人係唔啱嘅行為，亦都可以透過玩玩具來轉移注意力。

資料來源：中時電子報