之前有聽過老人家講，胎兒喺出世之前已經有自己嘅記憶，當時都唔係好信，不過幾日前又有個媽媽向我提起呢件稀奇嘅事。唔知其他媽媽有冇類似嘅體驗呢？喺網上有好多關於胎內記憶嘅說法，咁胎內記憶究竟又係咩一回事？曾經有一位好奇心強嘅媽媽，忍唔住問咗自己個囝囝。
{adv here}
記得有一次幫小朋友沖涼嘅時候，就問佢點解會選擇我同老公做佢爸爸媽媽，當時佢話見到我喊得好可憐，所以就選擇咗我。囝囝仲話原來當時幾乎所有寶寶都喺度選擇緊自己嘅爸爸媽媽，遇到自己鍾意嘅就會選定呢個媽媽嘅肚。
當時我真係覺得好不可思議，因為有一段時間我真係喊得好厲害，因為生呢個寶寶之前其實仲有另一個寶寶，但係不幸流產。我仲問囝囝喺肚入面玩乜嘢，佢話喺肚入面好黑同埋有水，平時都係自己玩吓水。有時佢會聽到我哋講嘢，其實呢啲就係所謂嘅胎教。
{adv here}
曾經有一位婦科醫生對自己接生嘅胎兒做過一項調查，喺寶寶擁有屬於自己嘅記憶之後，詢問寶寶仲記唔記得自己喺媽媽個肚入面發生嘅事。結果顯示喺1000名4歲左右嘅兒童中，有33%嘅人有胎內記憶，有21.5%嘅小朋友只保留出生時嘅記憶。另外，醫生亦表示，其餘嘅小朋友未必係冇呢方面嘅記憶，只係父母從來都冇問過呢啲問題。
點解小朋友會有自己嘅胎內記憶呢？到現時為止，科學都未解釋到，或者就係一種母子之間嘅神秘聯繫，尤其喺3歲左右嘅小朋友身上較為常見，一到咗四歲，寶寶就會自然失去呢啲記憶。如果你個小朋友咁啱係3歲嘅話，不妨問吓佢有冇出世前嘅記憶，話唔定會有驚喜。
資料來源：每日頭條
