好多媽媽習慣幫寶寶著太多衫，導致寶寶從小就失去體溫嘅調控能力，反而更容易病。按照傳統嘅湊寶寶方法，寶寶一出世就要包到密密實實，有啲家長總係覺得寶寶比較怕凍，要比大人著多一件衫，怕佢哋會冷親感冒。
{adv here}
人的體溫會隨環境調整
「凍」係一種感覺，著幾多衫其實不見得同氣候有關，反而同「風土民情」更為相關。例如喺德國，好多爸媽落緊雪都會帶著只有2、3個月大嘅寶寶出門，但德國嘅寶寶並冇因為咁樣而特別容易感冒。人係恆溫動物，體溫維持喺大約攝氏37度左右，無論環境溫度如何，人體都有能力自然調控體溫。所以，寶寶著衫嘅最大原則就是「舒爽」，唔應該著太多或者太少。
寶寶的生理特徵
同大人相比，寶寶嘅體表面積（體積與體重的比例）較大，因此散熱快。但嬰幼兒嘅皮下脂肪比大人厚，「保溫」能力比大人好，所以寶寶並唔需要著特別多衫嚟保暖。
幫寶寶著太多衫、包得太厚，會導致寶寶出現發燒症狀，如果寶寶冇感冒症狀，但體溫略高，大約38℃左右，身上仲冒出咗一粒粒嘅紅疹（熱痱），就好有可能係因為寶寶著得太多衫，導致散熱不良，應該將寶寶嘅衣服鬆開或者減少，過一段時間體溫就會恢復正常。
其實唔一定喺夏天先會出熱痱，如果冬天幫寶寶著太多衫，都會被焗到出熱痱，一般會出現喺額頭、臉頰、身體、頸、鼠蹊部、腋下等部位，喺悶熱、潮濕環境下，有可能併發念珠菌等細菌感染，引發更嚴重嘅皮膚問題。
{adv here}
冷親＝感冒？
好多家長習慣幫寶寶著多啲衫，就係怕佢會「冷親」感冒，究竟「凍」同感冒可唔可以畫上等號呢？無可否認，病毒喺高溫環境下較難存活，喺低溫環境下會比較活躍，咁就解釋到點解冬天係感冒流行嘅季節。不過，如果冇病毒存在，感冒係唔會發生，單單覺得凍而冇病毒，並唔會令人患上感冒，所以「冷親」唔等於會感冒。
另外，當人覺得凍嘅時候會出現打乞嚏、流鼻水等類似感冒嘅症狀，呢啲可能只係鼻黏膜對冷空氣嘅一種敏感反應，未必係感冒。所以，要預防寶寶感冒，與其怕佢冷親，不如儘量避免畀寶寶接觸病原。家人應該養成勤洗手嘅習慣，感冒者要戴口罩隔離，比著多件衫更有效。
寶寶穿衣原則
寶寶無須比大人著多一件，同大人著一樣咁多衫就可以。家長習慣摸寶寶手腳，嚟判斷佢有冇著夠衫，但係有啲寶寶嘅血液循環較差，手腳長期冰冷，如果單憑手腳溫度幫寶寶添加衣物，就會令佢著得太多衫。
資料來源：ETtoday
