好多新手媽媽喺產假就快完嘅時候都會開始擔心：點先可以繼續堅持餵母乳，同時又唔影響工作呢？在職媽媽要注意以下幾點。
為何要在職場授乳？
除咗少數在職媽媽可以趕返屋企餵奶，大部分在職媽媽都會喺公司用泵奶器泵奶，裝入母乳保存袋/樽，然後放入雪櫃儲存，放工就帶返屋企繼續冷藏。日頭屋企人就將存放喺雪櫃嘅母乳加熱再餵，媽媽放工返到屋企就可以繼續親餵。
{adv here}
我需要什麼時候泵奶？
在職媽媽需要同老闆及經常會合作嘅同事溝通好，並設定一個常規泵奶時段。
泵奶量一般多少？
要根據媽媽同寶寶嘅實際情況而定。奶唔係越多越好，免強自己身體會好吃力。奶量多嘅媽媽可以繼續全母乳，奶量減少就混合餵哺。
在哪裏泵奶？
搵一個可以反鎖嘅房間，儲藏室，休息室，小會議室等，要乾淨衛生（如果冇其他選擇就唯有去廁所），冇人打擾，冇攝像頭，最好有電源（如果冇就用手動或者電池驅動）。
{adv here}
泵奶需要的裝備
吸奶器：選擇一款合適嘅電動吸奶器，手動吸奶器吸力雖然冇問題，都可以完全將奶吸乾淨，但舒適程度就比唔上電動吸奶器。
母乳保溫袋：市面上有各色各樣嘅母乳保溫袋，個人感覺冇必要選擇最貴嘅，最貴未必最好，保溫原理都係差唔多，可以保溫就得。保溫袋嘅尺寸先係關鍵，要根據自己嘅奶量同攜帶嘅奶樽大小選擇好尺寸。
冰種：常見冰種裡面都係吸水型樹脂，起到低溫緩釋嘅作用，2塊三波藍冰種可以保溫10~12小時。藍冰種保溫效果比較持久，一般保溫6~8小時都冇問題，至於選擇波浪式定直板式，就要視乎奶樽嘅數量同形狀。
其他必需品：儲奶樽，儲奶袋，防溢乳墊。
資料來源：每日頭條
