身高有7成受到基因影響，可以靠後天努力補足另外嗰3成，跳躍動作可以刺激生長板，跳繩、籃球同排球，係3種最有效嘅增高運動。
大家都聽過，如果發育期嘅學童，每日嘅運動量充足，絕對有助於長高同變強壯。想子女高人一等，要先揀啱運動項目，先可以事半功倍。
{adv here}
1) 跳繩
跳繩嘅規律性跳躍動作，可以刺激生長板，促進生長激素嘅分泌，加上跳躍屬於費力活動，可以「化脂肪為肌肉」，協助學童長高同變強壯。
2) 籃球
打籃球時，無論係跳球、投籃、搶籃板等，都需要有跳躍動作，可以刺激腿部嘅生長板，促進生長激素嘅分泌，加速骨骼成長。
3) 排球
排球員喺場上扣球、攔網時，都會搭配彈跳動作，如果每日打排球，而且跳得夠高、次數夠頻密，對長高都有好大幫助。
{adv here}
長高要訣：跳繩必修、避開高強度運動
雖然好多運動都會有跳躍動作，但密集度仍然比唔上規律跳躍嘅跳繩活動。要注意嘅係，成長期嘅學童要盡量避開舉重、重量訓練等活動，因為呢類高強度運動會壓住身體，令身體處於過於緊繃嘅狀態，亦有可能過度損耗肌肉，對於骨骼生長有負面影響。
女生嘅成長「黃金期」通常係13～15歲，而男生嘅成長「黃金期」大約喺15～17歲左右，過咗呢個時期生長板就會閉合。想靠做運動長高，就要好好把握生長板閉合前嘅階段。
有啲女孩子發育得早，可能喺小學高年級就開始來月經，有研究指出，女生喺月經來後約2年就唔會再長高，所以建議學童最好小四前就養成每日跳繩嘅習慣，否則一旦錯過咗黃金期就太遲。
想長高怎麼跳？
建議每日至少跳繩300下，並按照程度調整：初級每跳50下休息2分鐘，重覆3次；中級每跳100下休息3分鐘，重覆3次；高級每跳200下休息5分鐘，重覆2次。每日要累積30分鐘，先達到最基本運動量。
資料來源：未來Family
