為人父母都希望自己嘅小朋友可以十項全能，贏在起跑線。所以，好多小朋友喺幼兒時期，就已經被家長安排參加各種興趣班，而跳舞就係一個非常熱門嘅選擇。到底小朋友學跳舞有咩好處呢？
{adv here}
小朋友學跳舞的好處
1) 練出優美形體
正處於發育時期嘅小朋友，透過舞蹈訓練（如挺胸、抬頭、收腹）可以令佢哋站姿挺直，體形優美，亦都有助糾正寒背等形體問題。另外，跳舞亦都可以促進少年兒童嘅生長發育。有研究顯示，同樣性別年齡嘅兒童當中，有參加舞蹈訓練比冇參加舞蹈訓練嘅兒童，平均身高都比較高。
2) 增強體質，促進健康
畀小朋友學跳舞，可以改善體質，增強抵抗力，減少生病嘅機會。喺舞蹈練習過程中，小朋友嘅呼吸、心跳、骨骼、循環系統都可以得到充分嘅鍛煉，加快機能發育同新陳代謝。
{adv here}
3) 提高團隊合作能力
舞蹈除咗獨舞，仲有雙人舞同團體舞，需要同隊友配合，建立默契先可以有好嘅表現，從而訓練出合作精神，養成自覺遵守規則、紀律嘅觀念。
4) 鍛煉小朋友的毅力
舞蹈係一項高強度嘅體能運動，訓練過程相當艱辛，可以磨練小朋友嘅堅強意志。小朋友從基本功開始學起，可以逐漸培養出不怕吃苦嘅精神。
資料來源：阿波羅新聞網
