近年越來越多小朋友患有抑鬱症，而導致小朋友患抑鬱症嘅原因當中，學業壓力只係佔好少比例，家庭同埋生活環境對小朋友嘅影響最大，甚至有好多小朋友會用自殘或者自殺嘅方式解決問題。
{adv here}
{adv here}
生活喺呢幾種家庭嘅小朋友，好容易患上抑鬱症：
1. 家族出現過抑鬱病例
好多人都唔知道抑鬱症其實係會遺傳，同埋機會率都好高，血緣關係嘅親疏會影響到遺傳機率嘅高低。如果喺你嘅家族入面，曾經有人患有抑鬱症，屋企嘅小朋友都比較容易患抑鬱症。
2. 父母離異或者夫妻關係不和
父母離異或者夫妻關係唔好，對小朋友嘅成長影響好大，容易令小朋友患上抑鬱症。喺最需要父母關愛嘅階段，但係佢哋得唔到父母嘅愛，性格方面就會變得自閉或者自卑。
3. 家庭有性別歧視觀念
有好多家庭都有性別歧視嘅情況，可能喺大人嘅世界入面係好正常，但係好容易喺小朋友嘅心裏面留下創傷，導致小朋友出現自閉或者抑鬱。尤其係重男輕女嘅家庭，對於女孩嘅傷害特別大。
{adv here}
4. 父母唔識同小朋友溝通
有啲家庭雖然父母關係好，家族亦都冇抑鬱病例，但係因為父母唔識得點樣同小朋友溝通，都會導致佢哋抑鬱。對於小朋友嚟講，父母係自己最親密嘅人，如果連父母都唔明白自己，佢哋會好失望，甚至會出現抑鬱嘅狀態。
家長經常忽視小朋友嘅求助
成人有自我減壓嘅方法，而小朋友表現出嘅減壓行為，經常會被大人忽視或者誤解。例如小朋友講「做人好冇意思」、「真係想死咗佢算」等等好似扮大人講說話嘅時候，其實係向大人發出求助信號，但係家長往往都會忽視或者責備佢哋。
當小朋友出現早期抑鬱情緒或心理，如果家長能夠及早發現，好好咁同佢哋溝通，搵出唔開心嘅原因，小朋友搵到宣洩負面情緒嘅渠道，就可以喺早期制止到抑鬱症嘅發生。
資料來源：壹讀
