每位家長都希望自己嘅小朋友長得高大啲，咁點先可以判斷到小朋友將來會唔會高人一等呢？睇以下三個部位就大概知道。
1) 小腿
按照比例，如果小朋友嘅小腿長，骨架都會長，係相應嘅，小朋友腿長，以後身高自然唔會矮得去邊。不過呢個說法唔係絕對，都會存在個別身體比例唔協調嘅情況。
{adv here}
2) 手指
生得高嘅小朋友一般手指都比較長，係生長發育嘅均衡現象。不過同小腿一樣會有例外，因為每個小朋友身體嘅生長比例都唔一樣，加上發育過程中嘅營養因素，令到身體不同部位嘅生長速度會有差異，都會對身高造成影響。
3) 腳
小朋友將來嘅身高，可以以腳掌嘅長度來判斷。身高同四肢嘅發育有一定嘅聯繫，不過呢個說法都係因人而異。
{adv here}
以上三點只係寶寶先天嘅身體基礎，想寶寶長高啲，可以從以下3方面入手。
1) 補充微量元素
營養不良係因為缺乏能量同蛋白質所致，而缺乏微量元素通常會同營養不良並存。人體必需嘅微量元素有8種，包括碘、鋅、硒、銅、鉬、鉻、鈷、鐵。想為小朋友補充微量元素，必須透過飲食去調節。
2) 睡眠充足
一個人嘅身高取決於睡著時生長激素嘅分泌量。生長激素主要喺晚上分泌，尤其係晚上九點到凌晨一點，係生長激素分泌嘅高峰期。家長要令小朋友養成早睡早起嘅習慣，保證充足睡眠。
3) 多做運動
可以畀小朋友做多啲有助骨骼生長嘅運動，例如跳繩、打籃球等。
資料來源：愛經驗
