小朋友嘅智商除咗受先天遺傳因素影響，後天環境因素對智力發展都有一定程度嘅影響。澳洲昆士蘭大學基因專家Beben Benyamin嘅一項研究發現，小朋友嘅IQ只有20%~40%來自遺傳。
{adv here}
美國有研究指出，小朋友嘅生活環境如果安靜，佢嘅智商會較高。《刺胳針》(The Lancet ) 雜誌表示，喺機場附近返學嘅小朋友，因為長時間暴露喺飛機起飛降落嘅噪音下，智力發展會受到影響，尤其係閱讀能力。生活喺嘈雜環境嘅小朋友，每日都被噪音損害大腦細胞，智力發展比喺安靜環境中生活嘅兒童低20%，免疫功能都會較低。
{adv here}
美國一位心理學家對4000名獨生兒童所進行嘅研究表示，「如果小朋友喺氣氛和睦嘅家庭長大，智商會比不和睦家庭嘅小朋友高。」亦即係話，家庭和睦氣氛融洽，有利於小朋友嘅智力發展。相反，如果夫妻經常吵鬧，小朋友耳濡目染之下，缺乏父母嘅關愛，喺不良嘅家庭環境成長，智商都會降低。
資料來源： 大紀元
